შრიფტი
11:10 / 04-02-2016
"ზიკა" - სიმპტომები, მკურნალობა და ფაქტები, რომელიც ახალ საშიშ ვირუსზე უნდა იცოდეთ
მსოფლიოს ჯანდაცვის ორგანიზაციამ ვირუსი ზიკა გლობალურ საფრთხედ გამოაცხადა. მისი სახელი უგანდაში მდებარე ზიკას ტყეს უკავშირდება, სადაც დაავადებამ პირველად იფეთქა 1947 წელს. მას შემდეგ დიდი ხნის განმავლობაში დაავადება თავს არავის ახსენებდა. მაგრამ ახლა სიტუაცია რადიკალურად შეიცვალა და ვირუსი ფიქსირდება 20-ზე მეტ ქვეყანაში, უპირატესად ცენტრალურ და სამხრეთ ამერიკაში. მსოფლიო ჯანდაცვის ორგანიზაციის ინფორმაციით, ამერიკის კონტინენტზე ვირუსის გავრცელებამ საგანგაშო ზღვარს მიაღწია. ოფიციალური მონაცემებით, 2016 წლის ბოლომდე "ზიკა" ვირუსით შესაძლოა 3-დან 4 მილიონამდე ადამიანი დაინფიცირდეს. ზიკა მსოფლიო ჯანდაცვის ორგანიზაციამ რამდენიმე დღის წინ იმავე საფრთხის კატეგორიაში შეიყვანა, რომელშიც ებოლაა.

ზიკას გადამტანები არიან
მოსკიტები
Aedes Mosquito, დენგეს ცხელებისა და ყვითელი ცხელების გადამტანები. ვირუსს უკავშირდება თანდაყოლილი დეფექტები და ნევროლოგიური პრობლემები, განსაკუთრებული რისკის ჯგუფში განიხილებიან ორსულები. სპეციალისტები არ გამორიცხავენ ამ ვირუსით დასნებოვნებასა და გიიენ-ბარეს სინდრომს (ხასიათდება მწვავე აუტოიმუნური ანთებითი რეაქციით) შორის კავშირს.

იხილეთ ვიდეო

რამდენიმე დღის წინ, ამერიკაში, დალასში ზიკათი ინფიცირებული პაციენტი აღმოაჩინეს, რომელსაც ვირუსი სექსუალური კავშირის შედეგად გადაედო. ინფიცირებულს ჰყავდა პარტნიორი, რომელიც ვენესუელადან დაბრუნდა. ამერიკაში ამოწმებენ მექსიკიდან, კარიბის ზღვიდან, ცენტრალური და სამხრეთ აფრიკიდან დაბრუნებულ ადამიანებს, რომლებიც უახლოესი ერთი თვის მანძილზე იმყოფებოდნენ ამ ადგილებში.

ბრაზილიაში, რომელსაც ვირუსმა ყველაზე დიდი ზიანი მიაყენა, იძიებენ 3 670 საქმეს ბავშვებში მიკროკეფალიის (თავის ქალის არანორმალური სიპატარავე) თაობაზე, რაც ზიკას ვირუსთანაა დაკავშირებული. წინა კვირას გამოკვლეული 709 შემთხვევიდან 674 დადასტურდა.

თუ ზიკა სქესობრივი გზით ვრცელდება, მაშინ საშიშროება ყველა ქვეყანაში იქმნება და არა მხოლოდ იქ, სადაც კოღოები ბინადრობენ. ექიმების თქმით, სექსუალური გზით მისი გავრცელების შემთხვევები იშვიათია. თუმცა უცნობია, რამდენად ხშირია რეალურად სექსუალური გზით გადადება, შეიძლება თუ არა სიმპტომების გარეშე მისი გავრცელება, რამდენი ხანი რჩება ვირუსი სპერმაში და როდისაა უსაფრთხო სექსი.

რა უნდა ქნან მამაკაცებმა, როდესაც იმ ქვეყნებში მოხვდებიან, სადაც დაავადება ფართოდაა გავრცელებული? შეუძლიათ ქალებს სექსით ვირუსის გავრცელება? - ეს კითხვები მეცნიერებს აწუხებთ, თუმცა საჭიროდ არ თვლიან ისეთი პანიკის ატეხვას, როგორიც აივ ინფექციებს მოჰყვა თავის დროზე, რადგან "ზიკა" ხანმოკლე ინფექციაა და საგრძნობ საფრთხეს მხოლოდ ფეხმძიმობისას წარმოადგენს.

"ზიკა" ვირუსის დამახასიათებელი სიმპტომები თითქმის არაფრით განსხვავდება გრიპის სიმპტომებისგან: ციება, ტკივილი სახსრებში, კუნთებისა და თავის ტკივილი, გამონაყარი და თვალების სიწითლე (კონიუქტივიტი). ვირუსის სიმპტომები რამდენიმე დღიდან ერთ კვირამდე გრძელდება. ვირუსი დაინფიცირებული ადამიანის სისხლში რამდენიმე დღე რჩება. სიკვდილიანობა იშვიათად ფიქსირდება.

რაც შეეხება მკურნალობას: ჯერჯერობით არ არსებობს ვაქცინა ან მედიკამენტი ზიკას ვირუსის პრევენციისთვის. სიმპტომების მკურნალობისთვის მედიკოსები დაავადებულს ურჩევენ მიიღოს ბევრი სითხე, რათა დეჰიდრატაცია აიცილოს თავიდან, არ გადაიტვირთოს, ტკივილისა და ციების საწინააღმდეგოდ მიიღოს აცეტამინოფენის შემადგენლობის მედიკამენტები, აკრძალულია ასპირინისა და არასტეროიდული ანთების საწინააღმდეგო პრეპარატების მიღება, მაგალითად, იბუპროფენის.

მომზადებულია bbc.com-ის და cdc.gov-ის მიხედვით
12:50 / 13-02-2016
ქართველი-s
0
მგონი სხვაგან მოხვდი :))))))))))
18:47 / 05-02-2016
ქართველი
0
სერიალი ხომ უმაგრესია, მსახიობები და მთლიანი კოლექტივი- შესანიშნავი. დიდი მადლობა ასეთი თავდადებისთვისროთ.მეამაყებით! გესლიანი სიტყვა პატარა კაცუნების საგზალია,მეტი არაფერი შეუძლიათ და რა ქნან
მსგავსი სიახლეები
"...ამას თან დაერთო გაუსაძლისი ტკივილები. შევაწუხე ოჯახი, მეზობლები… ღამე არ მეძინა"
heck Point აქვეყნებს აპლიკაციების სიას, რომელიც აღნიშნულ ვირუსს მალავს, ესენია:
როდის არის აუცილებელი სასწრაფო დახმარების გამოძახება
ანევრიზმა სისხლძარღვის გამობერილი ადგილია, რომელიც სწრაფად იზრდება და ივსება სისხლით
ინკუბაციურ პერიოდს 15-30 დღის განმავლობაში გადის, მერე კი უცბად ვლინდება მწვავე კლინიკური სურათი
არსებობენ ადამიანები, რომლებიც ამტკიცებენ, რომ სწორედ ამ ექსტრაქტით მომაკვდინებელი სენისგან განიკურნენ...
გარეთ და შიგნით სხვაობა 4-დან 6 გრადუსამდე უნდა იყოს და არა ვთქვათ, 10-12, ან 20 გრადუსი
მეღვინეები ერთმანეთისგან განასხვავებენ ღვინის ზადსა და დაავადებას
ჩაწითლებული თვალები, ყელის ტკივილი, მაღალი ტემპერატურა
"ქარ­თ­ვე­ლი და­ბა­დე­ბი­დან, აკ­ვ­ნის მსგავ­სად, უნა­გირს იყო შეზ­რ­დი­ლი"
ფოტოგალერეა
ამ კატეგორიის სხვა სიახლეები
23:19 / 24-11-2017  Image რა მდომარეობაში არიან "მის საქართველოს" კონკურსანტები, რომლებიც ხაძრის დროს სასტუმროში იმყოფებოდნენ - უახლესი ცნობები ბათუმიდან
+VIDEO| "მის საქართველოს" ყველა კონკურსანტი, რომელიც ხანძრის დროს სასტუმრო "ლეო გრანდში" იმყოფებოდა
22:35 / 24-11-2017  Image არის თუ არა გაბრიელ სალოსის ქუჩაზე სპეცოპერაციის დროს დაკავებული პირი სუხო დუდაევი - ადვოკატის კომენტარი
ბერი გაბრიელ სალოსის ქუჩაზე სპეცოპერაციის დროს დაკავებული პირის ადვოკატი იმედა ქარქაშაძე
10:50 / 24-11-2017  Image „მონოლით ჯგუფის“ აქცია - ბინა თვეში 780 ლარიდან და საჩუქარი!
Monolith Residence Ortachala 9 სართულიანი პრემიუმ კლასის კომპლექსია
23:12 / 24-11-2017  Image სოფლები და თბილისის უბნები, სადაც ხვალ დენის მიწოდება შეიზღუდება
გეგმური სარეაბილიტაციო სამუშაოების გამო, "ენერგო-პრო ჯორჯიას" აბონენტების ნაწილს ხვალ ელექტროენერგიის მიწოდება
20:19 / 24-11-2017  Image დაშორდა თუ არა ნიკა ალასანიას ლიკა ევგენიძე და ვის ხვდება ამჟამად ტელეწამყვანი
რამდენიმე კვირის წინ, თბილისში ლიკას ახალ სიყვარულზე ალაპარაკდნენ
პოპულარული კომენტარები
ინტერნეტკონფერენცია
2017-10-15 07:45:43
ბავშვის აღზრდა რთული და ხანგრძლივი...
კონტაქტი

პალიტრამედიის ცხელი ხაზი:

5 77 11 11 30

ელ. ფოსტა: info@ambebi.ge

მისამართი: თბილისი, იოსებიძის ქ.#49