ქირომანტიაში ეს ხაზები ხელის გულზე, განსაკუთრებული ძალების არსებობაზე მიანიშნებს, უფრო ზუსტად კი, თქვენი მფარველი ანგელოზის თქვენდამი განსაკუთრებულ მფარველობას.
მფარველი ანგელოზის ხაზს სხვადასხვაგვარად მოიხსენიებენ - დის-ხაზი ან მარსის ხაზი.
სამწუხაროდ მსგავსი ნიშანი ყველას არ აქვს. თუ ამ ხაზს თქვენს ხელზე აღმოაჩენთ, იღბლიანი ხართ და გიხაროდეთ, რომ თქვენი მფარველი ანგელოზი უბედურებისგან დაგიცავთ.
მფრაველი ანგელოზის ამ ხაზს, ცხოვრების მეორე ხაზსაც უწოდებენ, რადგან ის გადარჩენას, მფარველობას და ძლიერ თანადგომას ნიშნავს.
ხდება ისეც, რომ მფარველი ანგელოზის ხაზს თან ახლავს გარკვეული პატარა სეგმენტები, რომელიც ძალიან მკრთალად ჩანს, ან საერთოდაც წყდება. ცხოვრების ხაზის წყვეტა საშიშროებას, უბედურებასა და ავადმყოფობას მოასწავებს. მაგრამ თუ ამ წყვეტასთან მფარველი ანგელოზის ხაზი აღმოჩნდება, ადამიანს მოსალოდნელი უბედურება აღარ ემუქრება.