გოგა აშკენაზი: ყაზახი მილიონერი და მსოფლიო მასშტაბის ავანტიურისტი ქალი

გოგა აშკენაზი: ყაზახი მილიონერი და მსოფლიო მასშტაბის ავანტიურისტი ქალი

სამშობლოში მას განიკითხავენ და ბრალს სდებენ ყაზახი ხალხისგან მოპარული ფულის გაფლანგვაში. სხვები, პირიქით, აღფრთოვანებას ვერ მალავენ და ეთაყვანებიან. ნებისმიერ შემთხვევაში, გოგა აშკენაზი დიდ ინტერესს იწვევს...

გოგა აშკენაზი - მსოფლიოს ერთ-ერთი უმდიდრესი და წარმატებული ქალი, ყაზახეთის პრეზიდენტის, ნურსულთან ნაზარბაევის სიძის, თემურ კულიბაევის საყვარელი, რომლისგანაც 2 შვილი ჰყავს. ლონდონში საცხოვრებლად გადასვლისთანავე, იგი ბრიტანულ მაღალ საზოგადოებაში გაერია.

36 წლის გოგას ერთ დროს გაუჰარ ბერგალიევა ერქვა, სხვა ყაზახი გოგოებისგან არაფრით გამოირჩეოდა. შემდეგ მისი გარეგნობა პლასტიკური ქირურგიის წყალობით საგრძნობლად შეიცვალა და პლანეტის ყველაზე გავლენიანი მამაკაცების ყურადღების ცენტრში მოექცა.

გოგა მხოლოდ მდიდარ და ცნობილ მამაკაცებს ირჩევს, მათ შორის იორკის ჰერცოგი პრინცი ენდრიუ, თემურ კულიბაევი, "ფორმულა 1"-ის მენეჯერი ფლავიო ბრიატორე, კონცერნის Fiat მემკვიდრე, ცნობილი იტალიელი ფლეიბოი ლაპო ელკანი და ცნობილი ოჯახის მემკვიდრე და ბიზნესმენი ნათ როტშილდი. მათ, ვისაც თუნდაც 1 საათი გაუტარებიათ გოგასთან, აცხადებენ, რომ ქალის მომხიბვლელობა მის არანორმალურ ენერგეტიკაშია, რომელსაც მაჰიპნოტიზირებელი ეფექტი აქვს.

2012 წელს აშკენაზის ახალი გატაცება გაუჩნდა, მან ცნობილი პარიზული ბრენდი Vionnet შეიძინა და მალევე მოდური სახლის გაყიდვები 50%-ით გაზარდა. ელიტური ქრონიკების დედოფლის პირადი ცხოვრება ხშირად ხდება მითქმა-მოთქმის საგანი. ამერიკელი მილიონერის, სტეფან აშკენაზის ცოლის სტატუსი მან იოლად შეცვალა თემურ კულიბაევის შვილების დედის როლზე. ჭორების თანახმად, პირველ შვილზე მშობიარობის დღეს, იგი პრინც ენდრიუსთან პაემანზე გაეშურა.

იმის მიუხედავად, რომ კულიბაევი ნაზარბაევის ქალიშვილზე იყო დაქორწინებული, მან ოფიციალურად აღიარა უკანონო შვილი და გოგა აშკენაზის უძვირფასესი სახლი აჩუქა ლონდონის ყველაზე მდიდრულ უბანში. მას შემდეგაც კი, როდესაც მათი რომანი დასრულდა, კულიბაევმა განაგრძო გოგას დახმარება ბიზნეს-ასპარეზზე - აშკენაზი ყაზახური ნავთობისა და გაზის კომპანიის Manaigas Enginereeng Group გენერალური დირექტორია.

უკვე მერამდენე წელია, გოგა აშკენაზი კარიერული წარმატების მწვერვალზე იმყოფება. იგი მსოფლიო კინოსა და ხელოვნების ვარსკვლავების წრეში ტრიალებს, მეგობრობს სამეფო ოჯახის წარმომადგენლებთან და ჟურნალი ფორბსის სიის მოწინავე რიგებში მყოფ ადამიანებთან. მის მიერ მოწყობილ წვეულებებს ცნობილი ტოპ-მოდელები და მოდური სახლების მფლობელები, ფოტოგრაფები და მხატვრები სტუმრობენ.

დაათვალიერეთ ფოტოგალერეა

იხილეთ ვიდეო

იხილეთ სრულად დუდანას ბლოგი

8 ოქტომბრიდან ახალი მთვარე სასიყვარულო ურთიერთობებს მაგიით აავსებს - ასტროლოგიური  პროგნოზი

კაცმა ყოფილი ცოლის საყვარელს ოჯახის დანგრევის გამო უჩივლა და 750 000 დოლარი მიიღო

მიუსაფარი ქალი ინტერნეტვარსკვლავად იქცა - მეტროში გადაღებულ ვიდეოს მილიონზე მეტი ნახვა აქვს