ტოპ-5 ყველაზე მადისაღმძვრელი საიტი ქართულ ინტერნეტსივრცეში

პოლიტიკა, ეკონომიკა, კულტურა, სპორტი, არქიტექტურა, მედიცინა... - ყველა ადამიანს თავისი ინტერესის სფერო აქვს, თუმცა საკვები ის სასიცოცხლო მიმართულებაა, რომელიც ყველას სჭირდება და იზიდავს.

საკვები ბუნებაში, სავაჭრო ობიეტებში, ჩვენს სამზარეულოებში და თანამედროვე ეპოქაში - ინტერნეტ სივრცეშიც კი. ვირტუალური სამყარო უხვად არის გაჯერებული სხვადასხვა კერძის, დესერტისა თუ სასმელის შესახებ ინფორმაციით. არც ამა თუ იმ რეცეპტის მოძიება არის რთული, მაგრამ როგორც საკვების მომზადებისას მთავარი ინგრედიენტების სწორად შერჩევა და სიზუსტეა, ასევე მნიშვნელოვანია საუკეთესო ინტერნეტ წყაროს მოძიება.

გარდა იმისა, რომ არსებობს უშუალოდ კულინარიული საიტები, სადაც ძალიან ბევრი რეცეპტის მოძიება შეგვიძლია, ბოლო პერიოდში დაინერგა ახალი ტენდენცია, კორპორატიული კომპანიებიც ცდილობენ შექმნან რაღაც ახალი და გამორჩეული. ადრე მათ საიტებზე მხოლოდ კომპანიის შესახებ მშრალ ინფორმაციას ვნახავდით და ვებ-გვერდზე სტუმრობა მათთვის, ვინც კონკრეტულად კომპანიის შესახებ ინფორმაციას არ ეძებდა, ძალიან მოსაწყენი იყო. ახლა კი, კორპორატიული საიტები ბევრად განსხვავებულია. კომპანიები მაქსიმალურად ცდილობენ შექმნან მიმზიდველი კონტენტი, რათა მომხმარებლები დააინტერესონ.

გთავაზობთ ტოპ-5 მადისაღმძვრელ კორპორატიულ საიტს ქართულ ინტერნეტსივრცეში, რომელიც გულგრილს არცერთ ვიზიტორს დატოვებს.

1. საოცრად "ტკბილი" და ლამაზია "ასორტის" კაფეტერიათა ქსელის საიტი www.assorti.ge. ვებ-გვერდზე განსაკუთრებით თვალისმომჭრელი ფერადი მაფინებია. ულამაზესი ტორტები და სხვა საკონდიტრო ნაწარმი ტკბილეულის მოყვარულებს თავისთავად აღაფრთოვანებს, თუმცა არც იმ ადამიანებს დატოვებს გულგრილს, ვინც ცომეულს ერიდება. შთამბეჭდავია საქორწილო ტორტები, რომლებიც მრავალფეროვნებიდან გამომდინარე, ნებისმიერი ადამიანის გემოვნებას დააკმაყოფილებს. თვალშისაცემია კორპორატიული ტორტებიც, რომლებიც საქართველოში მოქმედი ამა თუ იმ კომპანიის ბრენდით, ან სხვა მახასიათებლებით არის გაფორმებული. მხიარული და ზღაპრული ვიზუალით გამოირჩევა საბავშვო ტორტები. გოგონების, ბიჭების, ქალებისა და კაცებისათვის განკუთვნილი თემატური ტორტების სიმრავლე, სილამაზე და მრავალფეროვნება გაგიტაცებთ და გაგაოცებთ.

2. ღვინის მოყვარულებს განსხვავებულ და საინტერესო საიტს სთავაზობს "იკანო". ვებ-გვერდი www.ikano.ge ჩატვირთვის შემდეგ ლამაზად გაფორმებული ვიზუალითა და ანიმაციებით ხიბლავს მნახველს. კონტენტზე იუმორის ელემენტებიც შეიმჩნევა. ვებ-გვერდზე თვალშისაცემი სწორედ ანიმაცია და იუმორია. საიტზე სხვადასხვა სახეობის - წითელი, ყვითელი, ლურჯი და მწვანე "იკანოს" შესახებ არის ინფორმაცია მოცემული. რაც ასევე მნიშვნელოვანია, ვებ-გვერდზე "იკანოს" ღვინისგან უგემრიელესი კოქტეილების დამზადების რეცეპტებიც არის განთავსებული.

3. საოცრად მრავალფეროვანი და მადისაღმძვრელია "ნიკორას" საიტი www.nikoraproducts.ge. როგორც ცნობილია, "ნიკორა" რამდენიმე შვილობილ კომპანიას აერთიანებს. საიტზეც თითოეული შვილობილი ბრენდის ნაწარმია წარმოდგენილი, მათ შორის, სოსისები, ძეხვეული, თევზეული, რძის ნაწარმი, ცომეული. საიტი მომხმარებლებს რეცეპტების ფართო ასორტიმენტს სთავაზობს. არ გეგონოთ, რომ საიტზე მხოლოდ ხორცისა და თევზისგან დამზადებული კერძების რეცეპტებს ნახავთ, რაც არ უნდა გასაკვირი იყოს, აქ არის ინფორმაცია მურაბების, ნაყინის, ლიმონათის, ტყლაპის, სოუსებისა და სხვა უამრავი გემრიელი დესერტებისა თუ სასმელის მომზადების შესახებ.

"ნიკორას"ვებ-გვერდი მომხმარებლებს ცნობილი ადამიანების რეცეპტებსაც სთავაზობს. ასე შეუძლიათ ვიზიტორებს მოამზადონ პიცა ბრედ პიტის რეცეპტით, ქამა სოკოს წვნიანი მერილ სტრიპისგან, დიეტური სალათა ჯულია რობერტსისგან და ა.შ. საგულისხმოა, რომ კულინარიის განყოფილება ყველა ასაკის მომხმარებლის გემოვნებას დააკმაყოფილებს, მათ შორის პატარების გასახარად, უფროსები გემრიელი ბატი-ბუტის მომზადების ხერხებსაც კი გაიგებენ. სპეციალური კატეგორია ეთმობათ სამარხვო, ან დიეტური მენიუთი დაინტერესებულ პირებს. საიტის ვიზიტორებს სამზარეულოს საიდუმლოებასაც უმხელენ და საკვების შერჩევა-დამუშავებისას აუცილებლად გასათვალისწინებელ რეკომენდაციებსაც აძლევენ.

4. გულგრილი ვერ დატოვებთ რესტორნების ქსელ "დაუნთაუნის" ვებ-გვერდს www.downtown.ge. აღნიშნული საიტი "გემრიელი" გალერეით გამოირჩევა. ვებ-გვერდზე განთავსებული ფოტოები მართლაც შთამბეჭდავია. დესერტები, სენდვიჩები, წვნიანი, თევზეული, სალათები, კოქტეილი, ყავა, ფურშეტები, - ეს ყველაფერი საიტზე საოცარი ვიზუალით არის წარმოდგენილი. ახლო ხედით გადაღებული მადისაღმძვრელი სალათები, კრემ-სუპები გარნირით, ლუდის მენიუ, ყველის ფართო არჩევანი, დაბრაწული, ან სხვადასხვა მეთოდით დამუშავებული საკვები, ნაყინის ბურთულები, დესერტები შოკოლადით, ეს ყველაფერი საოცარი სანახავია. ცალკე აღნიშვნის ღირსია ყავის ასორტიმენტი. ასე ლამაზად გაფორმებული ყავა, იშვიათად გექნებათ ნანახი და დაგემოვნებული. კოქტეილები კი, სულ რომ არ გიყვარდეთ, ისეთი ლამაზი და ფერადია, გასინჯვა მოგინდებათ. უკეთ აღქმისთვის, ვებ-გვერდი ვიზიტორებს ფილიალებში ვირტუალურ ტურებსაც უწყობს.

5. მომხმარებლებს ვიდეო რეცეპტებსა და ექსპერტის რჩევებს სთავაზობს გასტრონომიული გიდი ბორჯომი www.gastroguide.borjomi.com/ge . ვებ-გვერდი ვიზიტორებს როგორც ქართული, ასევე მსოფლიო სამზარეულოს შესახებ აწვდის ინფორმაციას. პოპულარული რეცეპტები, გასტრო კულტურა, კვების იდეალური რაციონი, ბავშვთა კვება, სასარგებლო რჩევები - მაგალითად, ჩაის დაყენების წესი და სხვა. საიტი საქართველოს სხვადასხვა კუთხისათვის დამახასიათებელი კერძების რეცეპტების სიმრავლითაც გამოირჩევა. მაგალითად, ვებ-გვერდზე განთავსებულ საქართველოს რუკაზე რაჭა-ლეჩხუმის მონიშვნით, ისწავლით შქმერულის, ქოთანში ლობიოს, წაბლით საქონლის ჩაშუშულისა და რაჭული ლობიოს წვნიანის მომზადებას. აფხაზეთის მითითებით გაიგებთ როგორ მზადდება აშვჩაპანი და არიცვმგელი, აყრდცა - ლობიოს შეჭამანდი და აფხაზურა. სამცხე-ჯავახეთის სამზარეულოდან კი, ყარსული მწვადისა და ფარავნის კალმახის სუფის მომზადებას მოახერხებთ. აღნიშნულ საიტზე, კერძების ჩამონათვალი ვრცელი და "გემრიელია", რჩევები კი მეტად სასარგებლო და გასათვალისწინებელი.

თქვენ ალბათ, ჩამოთვლილი საიტების ხშირი ვიზიტორები ბრძანდებით და იქ მოცემული რჩევებითაც ხშირად ხელმძღვანელობთ. თუ რომელიმე მათგანის შესახებ აქამდე არ გსმენიათ, წინ მადისაღმძვრელი, გემრიელი და ესთეტიკური მოგზაურობა გელით.

ნატალია დადიანი

AMBEBI.GE