როგორია შეკვეთილის საკონცერტო დარბაზი, რომელიც ივნისში გაიხსნება და 10 000 მაყურებელს დაიტევს
ურეკის მახლობლად (შეკვეთილში) მშენებარე საკონცერტო დარბაზი BLACK SEA ARENA 2016 წლის ივნისში დასრულდება. ამის შესახებ AMBEBI.GE-სთან საუბრისას დარბაზის დირექტორმა, დიმიტრი ბერიძემ განაცხადა.
მისივე თქმით, საკონცერტო დარბაზი 10 000-მდე მაყურებელზეა გათვლილი და ადაპტირებულია შეზღუდული შესაძლებლობის მქონე პირთათვის. დარბაზის პარკირების ზონა 2000-მდე ავტომობილს დაიტევს. ბერიძის თქმით, "BLACK SEA ARENA" რეგიონის განვითარების, ტურიზმის ხელშეწყობისა და მეტი ინვესტიციების მოზიდვის წყარო გახდება.
ნაგებობა შედგება ორი შენობისგან, რომლებიც ერთი სახურავის ქვეშაა მოქცეული და ერთი მთლიანი შენობის ეფექტს ქმნის. ერთი ნაგებობა წარმოადგენს მაყურებელთა დარბაზს, რომელიც განთავსებულია ოთხ სართულზე; ხოლო მეორე ნაგებობა გახლავთ სასცენო შენობა, იგი შედგება 6 სართულისგან და მასში გათვალისწინებულია საგრიმიოროების, პერსონალის კაფეტერიის, ოფისების, ტექნიკური სათავსოების და დარბაზის ფუნქციონირებისათვის საჭირო სხვა სივრცეების მოწყობა.
საზაფხულო ამფითეატრ-დარბაზის მშენებლობა 2008-2009 წლებში ფონდი "ქართუს" ინიციატივით დაიწყო. პროექტში ფონდმა "ქართუმ" 200 მილიონ ლარზე მეტი ინვესტივია განახორციელა. დარბაზის პროექტირებაზე გერმანულმა კომპანია DreiArchitekten-მა იმუშავა. სამშენებლო სამუშაოებს ასოციაცია "ატუ" და კომპანია "ელიტა ბურჯი" აწარმოებს. სტუმრების მისაღებად BLACK SEA ARENA მზად ივნისის შუა რიცხვებში იქნება.
თამარ კორკოტაშვილი
AMBEBI.GE
8 ოქტომბრიდან ახალი მთვარე სასიყვარულო ურთიერთობებს მაგიით აავსებს - ასტროლოგიური პროგნოზი
კაცმა ყოფილი ცოლის საყვარელს ოჯახის დანგრევის გამო უჩივლა და 750 000 დოლარი მიიღო
