სიმსივნის 5 ნიშანი, რომელიც უყურადღებოდ არ უნდა დატოვოთ

სიმსივნით დაავადებული თინეიჯერების ბრიტანული საქველმოქმედო ფონდის მონაცემების თანახმად, ყოველი მესამე სიმსივნე ამ ასაკში ძალიან გვიან დგინდება - იმ სტადიაზე, როდესაც გადარჩენისთვის ბრძოლა შეუძლებელია. ფონდის მკვლევარების მიერ ჩატარებული კვლევების თანახმად, მოზარდების, მათი მშობლების და ექიმების 29% ყურადღებას არ აქცევენ სიმპტომებს.

მეცნიერებმა სპეციალურად გამოჰყვეს კიბოს 5 ნიშანი, რომელიც არ შეიძლება უყურადღებოდ დატოვოთ.

• ხანგრძლივი ტკივილი. თუ რამდენიმე დღის მანძილზე გრძნობთ ტკივილს, რომელსაც ტკივილგამაყუჩებლებიც ძნელად უმკლავდებიან, სასწრაფოდ მიმართეთ ექიმს. აუცილებელია ტკივილის მიზეზი გაირკვეს.

• წარმონაქმნები, კოპები, ლაქები. შენიშნეთ კანქვეშ რაიმე უცნაური? ეს შეიძლება ძალიან ცუდი ამბავის მაუწყებელი იყოს. ხშირად სიმსივნე თავს ავლენს როგორც უცნაური და უმტკივნეულო გამკვრივება. ასეთ შემთხვევაში, სასწრაფოდ მიმართეთ ექიმს.

• ექსტრემალური დაღლილობა. თუ გამუდმებით მოთენთილად გრძნობთ თავს რეალური მიზეზის გარეშე, ამის მიზეზი შეიძლება არასწორი კვება ან დაავადება იყოს. ასეა თუ ისე, ექიმს აუცილებლად უნდა მიმართოთ.

• წონის საგრძნობი კლება. თუ ინტენსიურად კარგავთ კილოგრამებს ყოველგვარი ძალისხმევის გარეშე, სერიოზული სანერვიულო გაქვთ. ეს არ ნიშნავს, რომ აუცილებლად სიმსივნე გაქვთ, მაგრამ აუცილებელია მიზეზის დადგენა.

• ხალის ფორმების ცვლილება. მელანომას ერთ-ერთი ყველაზე ცნობადი სიმპტომი ხალის ფორმის ცვლილებაა. თუ ერთ-ერთი ხალი მოულოდნელად შეიცვალა ან ფერი იცვალა, ან ფორმა, აუცილებლად მიმართეთ ონკოლოგს.

teenagecancertrust.org-ის მიხედვით