შრიფტი
12:44 / 13-01-2017
როგორ უნდა მოიქცეთ თუ სახლში ცეცხლი გაჩნდა - რჩევები სახანძროს მოსვლამდე
ცეცხლის გაჩენის სხვადასხვა მიზეზი არსებობს, თუმცა ყველა შემთხვევაში, იმის მიუხედავად თუ რა მიზეზით გაჩნდა ხანძარი და დიდია თუ პატარა მისი კერა, პირველ რიგში, უნდა დარეკოთ 112-ში და მხოლოდ ამის შემდეგ დაიწყოთ მოქმედება ცეცხლის ჩასაქრობად. აუცილებლად გასათვალისწინებელია ისიც, რომ ხშირ შემთხვევაში, ადამიანების დაზიანება, მნიშვნელოვანი მატერიალური ზარალი სწორედ მაშინ დგება, როცა ადამიანები თვითნებურად იწყებენ ცეცხლის ჩაქრობას არასწორი მეთოდების გამოყენებით და უფრო ავრცელებენ წვას.

ყველაზე ხშირად ცეცხლი სამზარეულოდან ჩნდება. ამის გამომწვევი მიზეზი კი შეიძლება ბევრი იყოს, მათ შორის დაუდევრობა. მაგალითად, ცეცხლის გაჩენის მიზეზი
შეიძლება გახდეს გაზქურაზე დარჩენილი სადილი, ბევრი ცხიმის გამოყენების შედეგად წარმოქმნილი აალება... გეტყვით - ამ დროს არავითარ შემთხვევაში წყალი არ გამოიყენოთ! რადგან ცხიმი წყალზე მსუბუქია, მის ზედაპირზე მოექცევა, წყალი ცეცხლს უფრო გაავრცელებს და შესაძლებელია, უფრო მეტი ზიანი მიაყენოთ თქვენს თავს.

პირველ რიგში, შეინარჩუნეთ სიმშვიდე, ცხიმი ერთხელ აალდება და იმ ჭურჭლიდან არსად წავა. თუ პანიკაში ჩავარდებით და ხელ-ფეხის ქნევას დაიწყებთ, კიდურის დამწვრობას გამოიწვევთ. ცხიმით დამწვრობა კი რთულად მოსაშუშებელია, რადგან ღრმა დამწვრობას იწვევს და ხშირად ქირურგიული ჩარევა სჭირდება.

არც ტილოს გამალებული ქნევით გამოვა რამე, რადგან ცეცხლი ნაჭერსაც გადაედება და გავრცელდება. პირველ რიგში, აიღეთ ტილო, დაასველეთ, ხელზე შემოიხვიეთ, ცეცხლმოკიდებული ჭურჭელი აიღეთ და ნიჟარაში ჩადგით. ამგვარად თქვენ დამწვრობის და ცეცხლის გავრცელების საშიშროებას აირიდებთ თავიდან და შემდეგ კი შეგიძლიათ ჭურჭელს წყალი დაასხათ.

ზოგჯერ ცეცხლი არასწორად გაყვანილი ელექტროსადენების და მოკლე ჩართვის გამო ჩნდება. ამ დროს სველი ნაჭერი ვერ გვიშველის, პირიქით, მისი გამოყენება სასტიკად აკრძალულია, რადგან მისი შეხება ელექტროსადენთან შესაძლოა ფატალურად დასრულდეს. მოკლე ჩართვის დროს, პირველ რიგში, სახლში ელექტროენერგია უნდა გავთიშოთ მთავარი ჩამრთველიდან, შემდეგ კი მშრალი ნაჭრის ინტენსიური დარტყმით შეგიძლიათ ჩააქროთ ცეცხლი. ამის შემდეგ აუცილებლად მთლიანად მოხსენით ის სადენები, სადაც მოკლე ჩართვას ჰქონდა ადგილი, რადგან შესაძლებელია დამდნარი სადენიდანაც გავრცელდეს ცეცხლი.

ნივთი, საიდანაც ყველაზე ადვილად ვრცელდება ცეცხლი, ფარდაა. თუ ცეცხლი ფარდას მოედო, ის გავრცელდება კედელზე, ფარდის საკიდზე, შპალერზე და შემდეგ მთელ სახლს მოედება ძალიან სწრაფად. ამიტომ, როგორც კი ფარდაზე ცეცხლს შენიშნავთ, ფარდა ძირს ჩამოაგდეთ და შემდეგ ჩააქრეთ.

მაგრამ, რაც არ უნდა მოხდეს, პირველ რიგში დარეკეთ 112-ში და შემდეგ დაიწყეთ მოქმედება!

თუმცა, მინდა ყველას გისურვოთ - ხანძრის გარეშე!
23:12 / 13-01-2017
ლიახვისპირელი
0
112-ზე რომ რეკავ, ჯერ თბილისს უკავშირდები, არა აქვს მნიშვნელობა, სახანძრო გჭირდება, თუ სასწრაფო. იქ იწყება, მისამართის დაზუსტება, კორპუსია, თუ საკუთარი სახლი, ავადმყოფის ასაკი, სიცხე რამდენი აქვს, რა სჭირს და ა.შ. ამის მერე ადგილზე გადაუგზავნიან ინფორმაციას შესაბამის სამსახურს, ხშირად ხდება, რომ მძღოლმა არ იცის,სად მდებარეობს ესა, თუ ის ქუჩა და კითხვა- კითხვაში სანამ მიაგნებს, შეიძლება გამოუსწორებელი შედეგი დადგეს. ნუთუ არ შეიძლება ეს მანკიერი სისტემა გასწორდეს და უშუალოდ ადგილზე მოხდეს დაკავშირება, ყველანაირი შუალედური რგოლის გარეშე?
16:20 / 13-01-2017
112-ში ზედმეტ შეკითხვებს იძლევიან.
0
მეზობლის სახლში ბუხარში ცეცხლის დანთებისას გაჩნდა ხანძარი. დავრეკეთ 112-ში და 5 წუთი იწერდა ოპერატორი, მისამართს, სად ხდება, ვისია სახლი, მიზეზი და ასე შემდეგ. ჩვენ შევუკურთხეთ, და თვითონ შევუდეგით ხანძრის ქრობას. კერა მოვსპეთ.
სახანძრო კი 20 წუთი დაგვიანებით მოვიდა სულ რაღაც 1 კმ არ ჰქონდა გასავლელი გზა.
აავსეს სახლი წყლით და წავიდნენ, კმაყოფილები.
მსგავსი სიახლეები
დღეს ქართულ რეალობაში გამქირავებელი უფრო რისკის ქვეშ დგას, ვიდრე დამქირავებელი
გათბობის ყველაზე თანამედროვე და გავრცელებული საშუალება ცენტრალური გათბობის სისტემაა
კალიფორნიაში ამ დროისთვის ხანძრის 22 კერა მძვინვარებს
ავტოსატრანსპორტო საშუალებების სავალდებულო ტექნიკური ინსპექტირება 2018 წლის 1-ლი იანვრიდან დაიწყება
გერმანელმა ქიმიკოსებმა მიზეზს მიაგნეს
თუშეთში, სოფელ გირევთან ცეცხლი ხმელ ბალახს უკიდია
თერჯოლის მუნიციპალიტეტის სოფელ სიმონეთის სასროლეთის ტერიტორიაზე ხანძრის რამდენიმე კერაა
ფოტოგალერეა
ამ კატეგორიის სხვა სიახლეები
22:02 / 20-11-2017  Image "თავში ჩამარტყეს ბლაგვი საგანი, ასევე მომაყენეს დანით ჭრილობა" - "ჩცდ"-ის მსახიობზე თავდასხმას შსს იძიებს
+VIDEO| "შაგუს ძმაკაციო თუ რაღაც მომესმა...
18:01 / 20-11-2017  Image რას ყვებიან მეზობლები ბათუმში "ბენზეს" დასახლებაში 24 წლის გოგონას გარდაცვალებასთან დაკავშირებით
+VIDEO: გარდაცვლილს ექსპერტიზა ამ დრომდე არ ჩატარებია
18:31 / 20-11-2017  Image ეროვნულმა ბანკმა ლარის ახალი კურსი დაადგინა
ეროვნული ბანკის მიერ გამოქვეყნებული მონაცემების თანახმად, დღევანდელი ვაჭრობის შედეგად
09:36 / 20-11-2017  Image სენსაციური აქცია Jeep Grand Cherokee – 99’000 ლარად !+ ყველაფერი უფასოდ 3 წლიან საგარანტიო პერიოდზე!
Jeep -ის ცენტრში ნამდვილი Jeep -ის შეძენისას ავტომობილის მომსახურებას მიიღებთ აბსოლუტურად უფასოდ სრულ 3 წლიან საგარანტიო პერიოდზე
15:40 / 20-11-2017  Image რუსეთში ქმარს ცოლი 6 წლის განმავლობაში დატყვევებული ჰყავდა და აწამებდა

რინატ ბალიანოვს პარტნიორის  ცემა, წამება და ცოლის თავისუფლების რამდენიმეწლიანი აღკვეთა ბრალდება

პოპულარული კომენტარები
ინტერნეტკონფერენცია
2017-10-15 07:45:43
ბავშვის აღზრდა რთული და ხანგრძლივი...
კონტაქტი

პალიტრამედიის ცხელი ხაზი:

5 77 11 11 30

ელ. ფოსტა: info@ambebi.ge

მისამართი: თბილისი, იოსებიძის ქ.#49