თეთრ სახლთან საეჭვო ჩანთით მამაკაცი დააკავეს

თეთრ სახლთან მამაკაცი დააკავეს, რომელსაც საეჭვო ჩანთა აღმოაჩნდა. ადგილობრივი მედიის ცნობით, ინფორმაციას ამის შესახებ აშშ-ის საიდუმლო სამსახური სოციალური ქსელის, "თვითერის" საშუალებით ავრცელებს.

როგორც ცნობილი გახდა, ეჭვმიტანილი უცნაურ კომენტარებსაც აკეთებდა. პოლიციამ თეთრი სახლის ჩრდილოეთით მდებარე შესასვლელი გადაკეტა და ხალხის ევაკუაცია განახორციელა. ჩამორთმეულ ჩანთას ექსპერტ კრიმინალისტები სწავლობენ.

შემთხვევის დროს თეთრ სახლში პრეზიდენტი ტრამპი იმყოფებოდა. თუმცა, მას საფრთხე არ დამუქრებია.