მობილური ტელეფონები დღეს მხოლოდ საკომუნიკაციო საშუალებას არ წარმოადგენენ, მათი მეშვეობით შეგვიძლია ვირტუალურად ვიმოგზაუროთ მსოფლიოს ნებისმიერ ქვეყანაში, ვუსმინოთ მუსიკას, ვუყუროთ ფილმს თუ კლიპს, ვითამაშოთ, ვიყოთ სოციალურ-ქსელებში, წავიკითხოთ სიახლეები და ა.შ. ერთი სიტყვით, დღეს ის ჩვენი ცხოვრების განუყოფელი ელემენტია.
დადებითთან ერთად, თურმე შესაძლებელი ყოფილა მისი მხრიდან უარყოფითი მოქმედება. კერძოდ კი, ამბავმა, რომელიც ჩრდილოეთ უელსში მოხდა, მთელი სოცქსელი მოიცვა. 15 წლის გოგონა კეიტლინი ალბათ აღარასოდეს აიღებს ხელში სმარტფონის ტელეფონს, რადგან სწორედ სმარტფონის გამო მთელ მის ოჯახს მიაყენა უზარმაზარი მატერიალური და ფსიქიური ზარალი. ისინი მომდევნო ექვსი თვის განმავლობაში საკუთარ სახლში ვეღარ შევლენ.
ერთ საღამოს, როდესაც კეიტლინი დასაძინებლად ემზადებოდა, საძინებელში ჩართო სმარტფონი დასამუხტად. მან დაიძინა, ტელეფონი კი დამტენს მიანდო მთელი ღამით. სასწაულიც სწორედ ამ პროცესში მოხდა, როდესაც ტელეფონმა საკმარისზე მეტი მუხტი მიიღო, ის გადახურდა და გაჩნდა ხანძარი, რომელიც ადვილად აალებადი ნივთებიდან მთელს სახლს მოედო მალევე.