შრიფტი
14:50 / 21-04-2017
ალბანეთის "ნაფიცი ქალწულები" - ვინ არიან ბურნეშები, რომლებმაც ქალად ცხოვრებას მამაკაცად ყოფნა ამჯობინეს
ჩრდილოეთ ალბანეთში ქალები თავისუფლებას და სოციალურ თანასწორობას კაცის სტატუსის მორგების სანაცვლოდ იღებენ. მათ ბურნეშებს ანუ ნაფიც ქალწულებს ეძახიან.

გოგონები, რომლებიც ბურნეშას ფიცს წარმოთქვამენ, იღებენ მამაკაცის სახელს და ატარებენ მამრობითი სქესისთვის დამახასიათებელ ტანსაცმელს. მათ არ აქვთ უფლება გათხოვდნენ და ყავდეთ შვილები, თუმცა სანაცვლოდ ავტომატურად ეძლევათ უფლება მიიღონ მემკვიდრეობით ოჯახის ქონება და შეისწავლონ სხვადასხვა პროფესიები. ბურნეშები თავისუფლად ეწევიან თავშეყრის ადგილებში და კაცებთან ერთად მიირთმევენ სპირტიან სასმელებს. ეს ყველაფერი ქალად ყოფნის დროს მათთვის მიუწვდომელი იყო. ალბანეთში, სადაც მოსახლეობის
63% ისლამს მისდევს, ქალები შეზღუდული უფლებებით სარგებლობენ. მათი ძირითადი მოვალეობა შვილების გაზრდა და ქმრის მოვლაა.

იხილეთ ვიდეო



"ჩემი სახელი ლუმე ბრაჰაა. მე 42 წლის ვარ. სკოლაში 8 წელი ვისწავლე და ჩემი სახელის წერის გარდა, თითქმის არაფერი ვიცი. მე მომწონს ჩემი ცხოვრობა, კაცური ცხოვრება. ასე დამოუკიდებელი ვარ. შემიძლია მუშაობა და ჩემი ცხოვრების თავად წარმართვა. მე ეს მოვახერხე", - ამბობს ლუმე ბრაჰა.

"ჩრდილოეთ ალბანეთში მცხოვრებ ქალებს არ აქვთ თავისუფლება და ამას ძალიან განიცდიან. გადაწყვეტილება, რომ ბურნეშა გავმხდარიყავი, თავად მივიღე. არავისთვის მიკითხავს და ამას არ ვნანობ. ასე მე თავისუფალი ვარ" - აღნიშნავს ერთ-ერთი ბურნეშა.


პატრიარქალურ ალბანეთში მსგავსი ტრადიცია შესაძლოა საერთოდ არ გაჩენილიყო, თუ არა ერთი გარემოება - ომები და სისხლიანი დასჯის ტრადიცია, რომელმაც მნიშვნელოვნად შეამცირა მამაკაცების რაოდენობა ქვეყანაში. ოჯახის პატრონობის ვალდებულება ოჯახის უფროს ქალიშვილებს გადაეცათ და ასე გაჩნდა მე-15 საუკუნეში ბურნეშას ტრადიცია.

2009 წელს ალბანეთი ნატო-ს წევრი ქვეყანა გახდა. ქალთა უფლებების დაცვის მხრივ, ქვეყანაში პროგრესი შეიმჩნევა. ბურნეშების ასაკი საშუალოზე მაღალია, რაც იმის მაჩვენებელია, რომ თავისუფლების სანაცვლოდ ქალებს მამაკაცის სტატუსის მიღება ახლა უკვე ნაკლებად სჭირდებათ...

ფოტოები ეკუთვნის ფოტოგრაფ ჯილ პიტერსს, რომელმაც იმოგზაურა ჩრდილოეთ ალბანეთში, რათა ამ ქალების ხვედრი გადაეღო
21:06 / 21-04-2017
ნატალია
0
რა უნდა ალბანეთს ევროპაში და მით უმეტეს ევროსტრუქტურებში? გაგიჟდება კაცი!
17:15 / 21-04-2017
?
0
სხვანარაირად მათ ტრანსგენდერებს ხომ არ უწოდებენ?
მსგავსი სიახლეები
ქვეყანაში ქალის უფლებები დაკნინებულია (ფოტოგალერეა)
ფოტოგალერეა
ამ კატეგორიის სხვა სიახლეები
23:45 / 12-12-2017  Image ადვოკატთა ასოციაციის სასწავლო ცენტრის დირექტორი თინა ქარსელაძე გარდაცვლილი იპოვეს
თინა ქარსელაძე 35 წლის იყო
22:57 / 12-12-2017  Image გიორგი გაჩეჩილაძე - შეცდომა იყო, თავის დროზე რომ ვთქვი, გიორგი კვირიკაშვილი ჩემი მეგობარია-თქო
+VIDEO გაჩეჩილაძემ ისაუბრა საქართველოში ტენდერებში კომპანიების მონაწილეობასთან დაკავშირებულ ხარვეზებზე
10:13 / 12-12-2017  Image ყველაზე შთამბეჭდავი ელექტრომობილი - Tesla Model S
საკმარისია, ელექტრომობილი ახსენო, რომ დიდს თუ პატარას მაშინვე Tesla ახსენდება.
22:02 / 12-12-2017  Image დევნილებს საჩუქრად ბულგარული წიწაკა მიუტანეს - "დაცინვაა ჩვენი... სახლში რომ ვყოფილიყავი, არ ავიღებდი"
"შეღავათი ის არის, რომ ბულგარული წიწაკა მოგვიტანეს"
14:46 / 12-12-2017  Image "დაემუქრნენ: თუ თანხას არ გადაიხდით, თქვენვე დაზარალდებითო..." - რა მოხდა იაშვილის კლინიკაში?
როგორ დაუანგარიშა იაშვილის კლინიკამ 16 წლის მოზარდს 3-დღიან სამედიცინო მომსახურებაში 1785 ლარი

პოპულარული კომენტარები
ინტერნეტკონფერენცია
2017-10-15 07:45:43
ბავშვის აღზრდა რთული და ხანგრძლივი...
კონტაქტი

პალიტრამედიის ცხელი ხაზი:

5 77 11 11 30

ელ. ფოსტა: info@ambebi.ge

მისამართი: თბილისი, იოსებიძის ქ.#49