ავტორი:

როგორ უნდა აარჩიოთ სწორად მარწყვი, რომ ის მომწამვლელი არ აღმოჩნდეს

როგორ უნდა აარჩიოთ სწორად მარწყვი, რომ ის მომწამვლელი არ აღმოჩნდეს

ბევრისთვის საყვარელი, არომატული და გემრიელი ხილის - მარწყვის არჩევისას ყურადღებას ძირითადად იმაზე ამახვილებენ, არის თუ არა მარწყვი საღი, თუმცა ეს მარწყვის არჩევის მხოლოდ ერთ-ერთი დეტალია. კიდევ არსებობს ჯანმრთელობისთვის საშიში უამრავი რამ, რაც მარწყვის არჩევისას უნდა გაითვალისწინოთ.

რა საერთო აქვს ნავთობპროდუქტებსა და ადამიანის სექსუალურ აქტივობას მარწყვთან? რა უნდა გავითვალისწინოთ მისი მირთმევისას, რომ ამ უგემრიელესმა კენკრამ სიმელოტე და ძვლების გამოფიტვა არ გამოიწვიაოს? - "პალიტრანიუსის" გადაცემა "არცოდნა აკრძალულია" ყველა კითხვაზე გაგცემთ პასუხს!

მარწყვი ხელს უწყობს სექსუალური აქტივობის გაუმჯობესებას, როგორც ქალებში, ასევე მამაკაცებში, მასში არსებული თუთიის წყალობით, რომელიც ჰორმონის ტესტოსტერონის გამომუშავებაში ეხმარება ადამიანს. ამდენი დადებითი თვისებების გარდა, მარყვში უარყოფითი მხარეებიც მოიძებნება - ის ალერგიული პროდუქტია. თუ მარწყვზე ალერგია არ გაქვთ, მისი მიღებისას დოზის დაცვა მაინც აუცილებელია. მასში არსებული ასპირინის გამო, დიდი დოზით მიღებულმა მარწყვმა შეილება ქალებში ოსტეოპოროზი, მამაკაცებში კი სიმელოტე გამოიწვიოს, ამიტომ იცოდეთ! დღეში მხოლოდ 20-30 ცალი მარწყვი უნდა მიირთვათ, ეს სავსებით საკამარისია მისი დადებითი თვისებების ასათვისებლად და მავნე თვისებებისგან თავის დასაცავად.

რა კავშირშია მარწყვი ნავთობპროდუქტებთან?

დიფენილი - ნივთიერება, რომელის საკვებ პროდუქტებში გამოყენებაც აკრძალულია თითქმის მთელს მსოფლიოში, მათშორის საქართველოშიც. ის კონსერვანტია, რომელსაც მარწყვს აფრქვევენ, ასე ის დიდ ხანს ინახება და კარგად უძლებს ტრანსპორტირებას (იხილეთ ვიდეო)

დიფენილი ნავთობპროდუქტებისგან მიიღება. მარწყვს, რომელსაც წინ დიდი გზა ელოდება, სწორედ დიფენილით ამუშავებენ, ამიტომ არავითარ შემთხვევაში არ მიირთვათ იმპორტირებული მარწყვი, რადგან ჯანსაღი მარწყვი მალფუჭებადია და ის ვერ გაუძლებს ხანგრძლივ ტრანსპორტირებას, თუ მასში სახიფათო კონსერვანტები არ არის გამოყენებული.

როგორ ავარჩიოთ მარწყვი სწორად?

თუ დახლზე მარწყვი მიმზიდველად გამოიყურება და თქვენ მისი ყიდვა გაქვთ გადაწყვეტილი, გარეგნული ფაქტორის გარდა შემდეგი რჩევებიც გაითვალისწინეთ:

იხილეთ ვიდეო: ექსპერიმენტი ცუდი და კარგი მარწყვის გასარჩევად

  • კარგი მარწყვი, რომელიც ბუნებრივად არის გაზრდილი წყალში რამდენიმე წამიანი მოხვედრის შემდეგ წვენს გაუშვებს, ცუდი კი არა.
  • მარწყვზე კონსერვანტი დიფენილი ზედმეტად პრიალებს, რადგან ის ნავთობპროდუქტია და შესაბამისად ცხიმიანიც, იმაში დასარწმუნებლად, რომ პრიალა მარწყვი ნამდვილად დიფენილს შეიცავს, ხელსახოცი დაგჭირდებათ, დაადეთ ის ხელსახოცს, თუ მარწყვმა ცხიმის კვალი დატოვა, ნუ შეიძენთ მას.
  • უკვე სახლში მოტანილი მარწყვი კი შეგიძლიათ დიფენოლზე შემდეგნაირად შეამოწმოთ: დაასხით მას მდუღარე წყალი, თუ წყლის ზედაპირზე ცხიმი ამოტივტივდა, ასეთი მარწყვი შეგიძლიათ გადაყაროთ, რაგდან მასში სიცოცხლისთვის საშიში ნივთიერებაა.
  • ნიტრატებიანი მარწყვის გამოსავლენად წყალი დაგჭირდებათ. დაჭყლეტილ მარწყვს დაასხით წყალი, თუ წყალი მკვეთრი წითელი ფერის გახდა, მარწყვი ნიტრატებიანია
  • მარწყვი, რომელშიც ზედმეტი მინერალებია, უფრო მშრალია, ამიტომ გაჭერით მარწყვი და დაადეთ ხელსახოცს, თუ მარწყვმა კვალი მსუბუქად დატოვა მასში ზედმეტი რაოდენობით მინერალებია, კარგმა მარწყვმა ასეთი კვალი უნდა დატოვოს ხელსახოცზე.
  • გარდა ამისა იცოდეთ, ბუნებრივად გაზრდილი მარწყვი იმდენად არომატულია, რომ მისი დაყნოსვა არ არის აუცილებელი, სურნელი შორიდანვე მიგიზიდავთ.
  • ყუნწი უნდა იყოს მწვანე და არა დამჭკნარი, ეს მიუთითებს იმაზე, რომ მარწყვი ახალი დაკრეფილია და შესაბამისად სახლამდეც მიგყვებათ. მწიფე მარწყვს ბუსუსები არ უნდა ქონდეს გამოშვერილი.

ასე რომ, მიირთვით მარწყვი და ისიამოვნეთ, უბრალოდ არ დაგავიწყდეთ დოზების გათვალისწინება!

იხილეთ გადაცემა "არცოდნა აკრძალულია" - ყველაფერი მარწყვის შესახებ

ნიკა მელიას "დიეტა" - როგორ იკვებებოდა "ნაცმოძრაობის" ლიდერი 3 თვე ციხეში: "დღეში ერთხელ ვჭამდი და დღისით... "

"ჩემო თბილისო" - შოთა არველაძე თბილისის მერობასთან დაკავშირებულ ინფორმაციაზე სახალისო ვიდეოს აქვეყნებს

ზურაბ დათუნაშვილმა დავით ჩაკვეტაძე დაამარცხა და ტოკიოს საგზური მოიპოვა