თინეიჯერმა დედამ ორი ქალიშვილი გადახურებულ მანქანაში დატოვა, თავად კი მეგობრებთან ერთად გასართობად წავიდა, რამაც ბავშვების სიკვდილი გამოიწვია. 19 წლის ამანდა ჰოვკინსმა ორი წლის ედისონი და ერთი წლის ბრინი 15 საათის მანძილზე მანქანაში დატოვა საჭმელისა და სასმელის გარეშე. დედამ მეგობრის სახლში მოილხინა. როდესაც მას მეგობარმა ურჩია, ბავშვები შიგნით შეეყვანა, მან უარი განაცხადა.
მეორე საღამოს, როდესაც მანქანასთან დაბრუნდა, ამანდამ აღმოაჩინა, რომ ბავშვები უგონოდ იყვნენ, მაგრამ საავადმყოფოში წაყვანის ნაცვლად, სახლში წაიყვანა, აბანავა და ტანსაცმელი გამოუცვალა. ის ცდილობდა მომხდარის დამალვას და ექიმებს განუცხადა, მაშინ წაუვიდათ გული, როდესაც პარკში ყვავილებს ყნოსავდნენო.
ბავშვები ხელოვნურ სუნთქვაზე გადაიყვანეს, მაგრამ მიუხედავად ამისა, რამდენიმე საათში გარდაიცვალნენ. პოლიციასთან დაკითხვის დროს დედამ დანაშაული აღიარა. ამანდა დააკავეს და ბავშვების მიტოვებისა და საფრთხეში ჩაგდების მუხლით გაასამართლებენ. თუ დანაშაული დაუმტკიცა, მას ორწლიანი პატიმრობა ემუქრება.
მომზადებულია mirror.co.uk-ს მიხედვით.