ფლორიდაში მცხოვრებმა ქალმა სტუმრებს ცეცხლი გაუხსნა. დამნაშავის მოტივი სტუმრების ხმაური იყო, ალანა ანეტ სეიველი გაღიზიანდა, რომ წვეულების დასრულების შემდეგ სტუმრები სახლში არ მიდიოდნენ.
ალანა 32 წლისაა, ის პანამა სითიში, საკუთარ სახლში გამართულ წვეულებაზე სტუმრებს მასპინძლობდა, თუმცა მოგვიანებით სტუმრები ძალიან ახმაურდნენ. პოლიციის თქმით, ქალმა, სანამ სტუმრად მისულ წყვილს ფეხებში ესროდა, მათ წასვლა უბრძანა. დაზარალებულები საავადმყოფოში გადაიყვანეს, მათ სიცოცხლეს საფრთხე არ ემუქრება. ალანა ანეტ სეიველს ბრალი იარაღის უკანონო შენახვაში წაუყენეს.
მომზადებულია bbc.com-ს მიხედვით.