რატომ მოიკლა თავი "შეყვარებულმა" დელფინმა, რომელსაც LSD-ს ასმევდნენ

ირკვევა, რომ 60-იან წლებში მეცნიერები დელფინებს ჰალოცინოგენურ ნარკოტიკ "ელესდის" აძლევდნენ, რათა მათთან კომუნიკაცია შეძლებოდათ. ნასას მიერ შექმნილი კომუნიკაციების კვლევის ინსტიტუტი სხვადასხვა არსებებთან საუბრის მეთოდს იკვლევდა. ისინი აგრეთვე იყენებდნენ სხვადასხვა ტექნიკას, რომ ცხოველებისთვის ინგლისური ესწავლებინათ.

ჯონ ლილი, ნეირომეცნიერი, რომელიც სათავეში ედგა სამუშაოებს, სამ კონკრეტულ დელფინს შეისწავლიდა, რომელთაგან ერთი მან იზოლაციაში დატოვა ადამიანთან სამი თვის მანძილზე, 24 საათის განმავლობაში. იზოლაციის დროს დელფინს, სახელად პიტერს სექსუალური ინტერესი გაუჩნდა მკვლევარ მარგარეტ ჰოუ ლოვატის მიმართ. საბოლოოდ, ვერცერთმა დელფინმა ინგლისური ვერ ისწავლა. თუმცა მკვლევარებმა დაადგინეს, რომ "ელესდის" მიღების შემდეგ დელფინები უფრო მეტ ხმებს გამოსცემდნენ.

ექსპერიმენტი 1966 წელს დასრულდა. დელფინი, რომელიც იზოლაციურ დაკვირვებას გადიოდა, მაიამიში გადაიყვანეს, სადაც მან თავი მოიკლა. არსებობს აზრი, რომ ეს მან მის ლოვატთან კონტაქტის გაწყვეტის გამო გააკეთა.

მომზადებულია independent.co.uk-ს მიხედვით.