ქვეყნების ჩამონათვალი, სადაც დასასვენებლად არ უნდა წახვიდეთ - აქ მოგზაურობა სარისკოა

ქვეყნების ჩამონათვალი, სადაც დასასვენებლად არ უნდა წახვიდეთ - აქ მოგზაურობა სარისკოა

ყოველწლიურად მილიონობით ტურისტი მოგზაურობს მსოფლიოს მასშტაბით ახალი თავგადასავლების საძიებლად. საბედნიეროდ, ჩვენი პლანეტის ქვეყნების დიდი ნაწილი ტურისტებს მეგობრულად ხვდება, მაგრამ არსებობს ისეთი ადგილები, სადაც წასვლას ნამდვილად არ გირჩევთ:

ჩრდილოეთ სუდანი

ტურისტების რაოდენობა წლის განმავლობაში: 5 500

უცნაურია, რომ აქ საერთოდ ვინმე ჩადის. ქოლერის ეპიდემია, პერმანენტული ომები და სახელმწიფო, რომელიც თავის მოქალაქეებსაც კი სასტიკად ექცევა, რომ არაფერი ვთქვათ ტურისტებზე.

ლიბია

ტურისტების რაოდენობა წლის განმავლობაში: 6 250

მართალია კადაფი მოკლეს, მაგრამ მისი მემკვიდრეობა კვლავ ცოცხლობს ლიბიაში. ამ ქვეყანაში ჩასვლა უკვე ძალიან დიდ რისკზე წასვლას ნიშნავს, ამიტომ არ გირჩევთ საკუთარი სიცოცხლის სასწორზე შეგდებას.

თურქმენეთი

ტურისტების რაოდენობა წლის განმავლობაში: 8 961

დასავლელი ჟურნალისტების აზრით, თურქმენეთი იმავე ლიგას მიეკუთვნება, რომელსაც ჩრდილოეთ კორეა. ყოველ ტურისტს სახელმწიფო აუცილებელ გიდს ამაგრებს, რომ მუდამ დაკვირვების ქვეშ იყოს. თურქმენეთში მოგზაურობა ნამდვილი სიმამაცეა.

გვინეა ბისაუ

ტურისტების რაოდენობა წლის განმავლობაში: 7 500

ქვეყნის ინფრასტრუქტურა განადგურებულია. თუმცა აქ იხილავთ ლამაზ არქიპელაგს, რომელიც ოცი კუნძულისგან შედგება. როგორც ამბობენ, აქ საუკეთესო ხამანწკები აქვთ, თუმცა ქუჩაში გამოსვლა შიშისმომგვრელია, იმდენად შორს არის თანამედროვე ცხოვრების სტანდარტებისგან.

ეკვატორული გვინეა

ტურისტების რაოდენობა წლის განმავლობაში: 5 700

ვიზაზე ისე არცერთი ქვეყანა გაგაწვალებთ, როგორც ეკვატორული გვინეა. ამერიკის მოქალაქეებს გზა ხსნილი აქვთ, მაგრამ ყველა დანარჩენს ბიუროკრატული ჯოჯოხეთის გავლა მოუწევს. თუმცა სანახაობის მხრივ, ქვეყანა არ მოიკოჭლებს. აქ არის ლამაზი პლაჟები და ველური ბუნება. იმის გათვალისწინებით, რამდენად ცოტა ტურისტს უშვებენ ქვეყანაში, თავს ისე იგრძნობთ, თითქოს ქალაქის ქუჩებში მხოლოდ თქვენ დადიხართ.

მომზადებულია Daily Mail-ის მიხედვით.

8 ოქტომბრიდან ახალი მთვარე სასიყვარულო ურთიერთობებს მაგიით აავსებს - ასტროლოგიური  პროგნოზი

კაცმა ყოფილი ცოლის საყვარელს ოჯახის დანგრევის გამო უჩივლა და 750 000 დოლარი მიიღო

მიუსაფარი ქალი ინტერნეტვარსკვლავად იქცა - მეტროში გადაღებულ ვიდეოს მილიონზე მეტი ნახვა აქვს