არტიომ ნესტეროვმა, რომელიც რუსეთის ჩემპიონია გოლფში, საკუთარ დედას თავი მოკვეთა. რუსმა სამართალდამცავებმა სპორტსმენი მშობელი დედის მკვლელობისთვის დააპატიმრეს.
2017 წლის 11 აგვისტოს მოსკოვში მდებარე კერძო სახლში პოლიციამ აღმოაჩინა 1951 წელს დაბადებული ქალის გვამი, რომელსაც თავი ჰქონდა მოკვეთილი. ექსპერტებმა გარდაცვლილის მუცელზე დამატებითი ჭრილობები შენიშნეს. ნესტეროვი დანაშაულის დღეს გაქრა და ცოლს დაურეკა, რომელსაც ჩადენილ დანაშაულში გამოუტყდა. დამნაშავე 12 აგვისტოს დააკავეს. მან დაკითხვის დროს დანაშაული აღიარა.
მომზადებულია topnews.ru-ს მიხედვით.