თუ სახლს საახალწლოდ ნაადრევად რთავთ, თქვენ სხვებზე ბედნიერი ხართ

ადამიანები, ვინც სახლების მორთვას საშობაოდ ნაადრევად იწყებენ, უფრო ბედნიერები არიან, ვიდრე ისინი, ვინც დღესასწაულამდე რამდენიმე დღით ადრე რთავენ. ფსიქოლოგების დასკვნის შესახებ "ინდეფენდენთი" წერს.

თუ თქვენ ძალიან ჩქარობთ, გაწმინდოთ მტვრისგან მორთულობები და ნაძვის ხის ნათურები, ეს ნიშნავს, რომ გაბედნიერებთ ბავშობის გახსენება. ზრდასრული ასაკის ადამიანისთვის შესაფერისი პასუხისმგებლობების აღება კი არც ისე მარტივია თქვენთვის.

"კიდევ რამდენიმე მიზეზია, რის გამოც ადამიანებს სახლის მორთვა ეჩქარებათ. ყველაზე ხშირად ბავშვობის ნოსტალგიაა, თუმცა, შესაძლოა, ჯადოსნური დღესასწაულის რწმენის დაბრუნება სურთ, ან - ცდილობენ, მოახდინონ იმისი კომპენსირება, რაც ბავშვობაში არ ჰქონდათ," - ამბობს ფსიქოანალიტიკოსი სტივ მაკკიუნი.

მისივე თქმით, სტრესითა და აგრესიით სავსე სამყაროში ადამიანებს სურთ, ნაადრევად იგრძნონ შობის მოახლოება და ბავშვობის მძაფრი გრძნობები გაიხსენონ.