ანუკი არეშიძის ოქროსფერმა კაბამ სოციალური ქსელების მომხმარებლები აღაფრთოვანა. თბილისის მერის ცოლმა "ინსტაგრამზე" განათავსა ფოტოები, სადაც მბზინავი, ტანზე მომდგარი, უსექსუალურესი კაბა და მაღალქუსლიანი ფეხსაცმელები აცვია.
"ინსტაგრამზე" დიზაინერის მიმდევრები მისი სამოსით და გარეგნობით აღფრთოვანებულები არიან. ისინი აღნიშნავენ, რომ კახა კალაძის ცოლი, "როგორც ყოველთვის, ლამაზი და დახვეწილია".
ანუკი არეშიძე არა მხოლოდ ქართული სოციალური ქსელების, არამედ - მსოფლიო მედიის ყურადღების ცენტრშიც მოექცა. წამყვანი გამოცემები მას მსოფლიო პოლიტიკოსების ყველაზე მოდური ცოლების გვერდით ასახელებენ - ჟურნალი ELLE წერს, რომ არეშიძე კონკურენციას მელანია ტრამპსა და ბრიჯიტ მაკრონსაც კი უწევს.