საუკეთესო სანაპირო ქალაქების რეიტინგი

გერმანულმა გამოცემამ Berliner Zeitung-მა სანაპირო ქალაქების რეიტინგი შეადგინა, სადაც ზღვაც არის და ქალაქის გასართობი ცხოვრებაც ჩქეფს.  

ამ მახასიათებლებით ევროპის ლიდერი ბარსელონაა. ბარსელონა  ნებისმიერი მოთხოვნილების მქონე ტურისტს მაღალხარისხიან დასვენებას სთავაზობს: დილით - ექსკურსიები გუელის პარკში და უნიკალური ნაგებობების დათვალიერება; შუადღეს - სანაპიროზე მზის აბაზანის მიღება და ნებივრობა; საღამოს - მრავალფეროვანი კაფეები, ბარები და ღამის კლუბები. ბარსელონაში ყველაფერი გათვალისწინებულია. 

მათ, ვისაც შედარებით მშვიდი დასვენება სურს, ეპანურ კურორტ სან-სებასტიანზე ეპატიჟებიან. ქალაქის სანაპირო, რომელსაც უნიკალური, მრუდე ყურე ორ ნაწილად ყოფს, არაჩვეულებრივია, როგორც სერფერებისთვის, ისე გარუჯვის მოყვარულთათვის. ქალაქში არის არქიტექტურული ღირშესანიშნაობები, სკვერები, ბაღები და მაღალი დონის რესტორნებიც.

რეიტინგში ნიცაც - საფრანგეთის ერთ-ერთი უმთავრესი კურორტიც შევიდა. ამ ქალაქში არის სანაპიროები, რომელიც ნებისმიერი ტურისტის გემოვნებას დააკმაყოფილებს. არის საჯარო და კერძო სანაპიროები. გარდა ამისა, ქალაქი ცნობილია მისი არქიტექტურითა და ღირსშესანიშნაობებით.

მომზადებულია Berliner Zeitung-ის მიხედვით.