21 წლის ქალი 5 ძმაზეა გათხოვილი

ინდოეთში მცხოვრები 21 წლის რაჯო ვერმა 5 ძმაზეა გათხოვილი. მას 1 ვაჟი ჰყავს, მაგრამ წარმოდგენა არ აქვს, რომელია ბავშვის ნამდვილი მამა. ყველანი ერთოთახიან ქოხში ცხოვრობენ.

ქალბატონის ერთ-ერთი ქმარი 21 წლის გუდუ ამბობს, რომ მის ძმებზე არ ეჭვიანობს და ცოლი ძალიან უყვარს.

"რაჯო პირველად ცოლად მე მოვიყვანე, შემდეგ ჩემმა ძმებმა. ჩემს ძმებს მასთან სექსი აქვთ, მაგრამ არ ვეჭვიანობ. ჩვენ ერთი დიდი ბედნიერი ოჯახი გვაქვს", - ამბობს ის.

რაჯო და გუდუ 4 წლის წინ ინდუიზმის ტრადიციით დაქორწინდნენ და დღემდე ოფიციალურად მხოლოდ ისაა ქალბატონის ქმარი. რაჯოც თვლის, რომ მისთვის მაზლებთან ასეთი ურთიერთობა პრობლემას არ ქმნის. მამაკაცებს ფუნქციები გადანაწილებული აქვთ და ოჯახის კეთილდღეობისთვის ყველაფერს აკეთებენ.

ქალის თქმით, მისი ოჯახი პოლიანდრიის (მრავალქმრიანობა) ტრადიციის მიმდევარია.

"დედაჩემიც 3 ძმაზე იყო გათხოვილი. ყველა ქმარი მიყვარს და ერთნაირ ყურადღებას ვაქცევ", - ამბობს ის.

ინდოეთში ასეთი ოჯახები ხშირია, სადაც სიდუხჭირის გამო რამდენიმე ძმა ერთ ცოლს ”ინაწილებს”.

მომზადებულია The Sun-ის მიხედვით.