კოსმოსში ოლიმპიური ჩირაღდანი გაუშვეს

კოსმოდრომ "ბაიკანურიდან" 7 ნოემბერს კოსმოსური ხომალდი Союз ТМА-11М გაფრინდა, რომლის ეკიპაჟმა საერთაშორისო კოსმოსურ სადგურზე ოლიმპიური ჩირაღდანი უნდა მიიტანოს.

ამჟამად ხომალდი რაკეტა-მატარებელს უკვე გამოეყო და ორბიტაზე გავიდა. ექვსი საათის შემდეგ იგი საერთაშორისო კოსმოსურ სადგურს შეუერთდება, რის შემდეგაც Союз ТМА-11М-ის ეკიპაჟი ოლიმპიურ ჩირაღდანს სადგურის მეთაურს, ფედორ იურჩიხინს გადასცემს.

შაბათს, 9 ნოემბერს, რუსი კოსმონავტები ოლეგ კოტოვი და სერგეი რიაზანსკი ანთებულ ჩირაღდანს ღია კოსმოსში გაიტანენ.

დედამიწაზე ოლიმპიური ჩირაღდანი 11 ნოემბერს დაბრუნდება.

მომზადებულია lenta.ru-ს მიხედვით.