ობამასა და კემერონის "სელფშუტი" მანდელას პანაშვიდზე ინტერნეტსენსაცია გახდა
ნელსონ მანდელას პანაშვიდზე, სადაც მსოფლიო ლიდერები და საზოგადოებისთვის ცნობილი სახეები საპატიო სტუმრის სტატუსით იყვნენ მიწვეულნი, ფოტოგრაფებმა აშშ-ის პრეზიდენტი ბარაკ ობამა, ბრიტანეთის პრემიერ-მინისტრი დევიდ კემერონი და დანიის პრემიერ-მინისტრი ჰელე ტორნინგ-შმიტი უხერხულ სიტუაციაში შენიშნეს.
როდესაც შეკრებილი საზოგადოება ნელსონ მანდელას გაწეულ ღვაწლს იხსენებდა, მსოფლიო ლიდერები ე.წ. "სელფშუტით" ერთობოდნენ - ობამა, კემერონი და ტორნინგ-შმიტი სმარტფონის წინ პოზირებდნენ, რომელიც ჰელეს ეჭირა.
როგორც კადრიდან ჩანს, მომღიმარი სამეულისგან მოშორებით ზის აშშ-ის პირველი ლედი მიშელ ობამა. მიშელს განსაკუთრებულად მკაცრი გამომეტყველება მაშინ აქვს, როდესაც მისი მეუღლე ჰელეს თბილად უღიმის და მეგობრულად მხარზე ხელს ადებს.
ფოტო ინტერნეტსენსაციად იქცა - უამრავმა ადამიანმა სხვადასხვა სოციალურ ქსელში გაიზიარა. ფოტოებს აზრთა სხვადასხვობა მოჰყვა.
მომზადებულია washingtonpost.com-ის მიხედვით.
8 ოქტომბრიდან ახალი მთვარე სასიყვარულო ურთიერთობებს მაგიით აავსებს - ასტროლოგიური პროგნოზი
კაცმა ყოფილი ცოლის საყვარელს ოჯახის დანგრევის გამო უჩივლა და 750 000 დოლარი მიიღო
