15:41 / 03-03-2014
სომალელ გოგონებს ქალთა წინადაცვეთის უარყოფისკენ მოუწოდებენ
ტრადიცია, რომელიც მსოფლიოს შოკში აგდებს. ქალთა წინადაცვეთა - ოპერაცია, რომლის მსვლელობისას ხორციელდება ქალთა გენიტალიების ამოკვეთა, ან ტრავმირება. ოპერაციის დროს ქალს (გოგონას) აჭრიან გარეთა სასქესო ორგანოებს იმისთვის, რომ მან ვეღარ მიიღოს სექსუალური კმაყოფილება და ამგვარად, პარტნიორის ერთგული დარჩეს.

მეცნიერები ამტკიცებენ, რომ ეს ოპერაცია ადამიანის ფსიქიკისა და ჯანმრთელობის დასახიჩრებას იწვევს და გოგონებს ამ ტრადიციაზე უარის თქმისკენ მოუწოდებენ. ამ თემაზე საჯარო დისკუსია სკოლაში Sheik Nuur გაიმართა. დისკუსია UNICEF-ის კამპანიის ფარგლებში ხორციელდება. პროექტი მიზნად ისახავს, ახალგაზრდა გოგონებს წინადაცვეთის, ადრეული ქორწინებისა და მშობიარობის შესახებ ინფორმაცია მიაწოდონ.

30 სომალელი თინეიჯერი - ბიჭებიცა და გოგონებიც აცნობიერებენ, რომ ეს ოპერაცია მავნებელია და საჭიროა, უარი თქვან. თუმცა, სომალელი ახალგაზრდები ფიქრობენ, რომ თუ წინადაცვეთაზე უარს იტყვიან, გაუთხოვრები დარჩებიან, რადგანაც "ბინძურ" ქალს ცოლად არავინ მოიყვანს.

"ეს ჩვენი ტრადიციაა და თუ გოგონა ამ პროცედურას არ დაემორჩილება, ვერ გათხოვდება", - დარდობს 17 წლის ასტმა იბრაჰიმ იაბრილი ჟურნალისტებთან საუბარში.

ქვეყანაში ქალთა წინადაცვეთის რამდენიმე ფორმა არსებობს - სომალელ თინეიჯერებში ერთ-ერთი ყველაზე პოპულარული პროცედურა ქორწილამდე ვაგინის ამოკერვაა. გოგონები ამ ტრადიციას
მისდევენ, რადგანაც ადგილობრივ მამაკაცებს ცოლად ქალწულები მოჰყავთ. შესაბამისად, თუ ბიჭი გაიგებს, რომ გოგონას ეს პროცედურა გაკეთებული არ აქვს, განიხილავს, როგორც ცოლობისთვის "შეუფერებელს". მიუხედავად იმისა, რომ წინადაცვეთის უარყოფით მხარეებზე ბევრი დაიწერა, მას ბევრი გოგონა მაინც მიმართავს.

2008 წლის მონაცემებით, აფრიკაში 140 მილიონი წინადაცვეთილი ქალი ცხოვრობს. ეს პრაქტიკა გავრცელებულია ეგვიპტეში, სუდანში, ეთიოპიაში, აგრეთვე საუდის არაბეთსა და ინდონეზიაში. სომალისა და მალიში ქალთა 80%-ს ჩაუტარეს ეს პროცედურა. ეს პროცედურა დამახასიათებელია რამდენიმე თემისთვის, ფილიპინებში, მალაიზიასა და პაკისტანში. იშვიათად გვხვდება არაბეთის გაერთიანებულ საამიროებში, იემენში, ომანსა და ბაჰრეინში. ლათინურ ამერიკაში ქალთა წინადაცვეთა ძირითადად გვხვდება ბრაზილიაში, აღმოსავლეთ მექსიკასა და პერუში.

აღსანიშნავია, რომ არცერთი რელიგია ამ პროცედურას არ მიესალმება. მუსლიმანები კრძალავენ ამ ოპერაციას. ამის მიუხედავად, ქალთა წინადაცვეთას ძირითადად ისლამურ სახელმწიფოებში ახორციელებენ. გაერთიანებულ სამეფოში ქალთა წინადაცვეთა აიკრძალა 1985 წელს, თუმცა დღემდე ხდება ამ პრაქტიკის გამოყენება. 1997 წლიდან ქალთა წინადაცვეთა აგრეთვე აიკრძალა ეგვიპტეშიც.

მომზადებულია dailymail.co.uk-ის მიხედვით.
21:46 / 12-04-2014
და იქ მეძავებიც არ არსებობენ ალბად...
Maka
13:54 / 03-04-2014
არ შეიძლება,რომ ბოქლომი დაადონ და გასაღები გადამალონ?
page
მსგავსი სიახლეები
დაღუპულთა შორის 10 ზრდასრული და სამი ბავშვია
ქალი, რომელიც პირველად 13 წლის ასაკში გახდა დედა, აცხადებს, რომ ამაზე გაჩერებას არ აპირებს
დაღუპულთა შორის როგორც მამაკაცები, ასევე ქალებიც არიან
დინკა, სუდანში, მდინარე ნილოსის სანაპიროს გასწვრივ, მცხოვრები ეთნიკური ჯგუფია
ბორტზე სულ 17 მგზავრი და ეკიპაჟის ორი წევრი იმყოფებოდა
ვერტმფრენი, ჩრდილოეთ რეგიონში მდებარე ერთ-ერთ სკოლას დაეჯახა
ეგვიპტის ყოფილი პრეზიდენტი, ჰოსნი მუბარაკი 87 წლის ასაკში გარდაიცვალა
ფოტოგალერეა
ამ კატეგორიის სხვა სიახლეები
02:41 / 27-05-2015  Image უახლესი ინფორმაცია გულიკო ჭიტაძის ჯანმრთელობის შესახებ
ბოლო განახლება|ვიცით, რომ ყველას ძალიან გადარდებთ ქალბატონი გულიკოს მდგომარეობა
17:40 / 26-05-2015  Image ნარმანიას მეუღლის ჩაცმულობამ ინტერნეტსივრცე აალაპარაკა - თიკა თინიკაშვილი შაბიამნისფერი კოსტიუმითა და ჩოხის ორნამენტებით
PHOTO+VIDEO| "შაბიამნის პარტია შემოიტანეს?"... "ნარმანიას ცოლი "ემერჯენსის" ექთანია?"...
11:07 / 26-05-2015  Image "მძიმე შეცდომა დაუშვეს" - როგორ ემშვიდობებიან "ნაციონალების" ცნობილი მხარდამჭერები წასულ ლიდერებს
"მას მოეთხოვებოდა, როგორც მინიმუმ, რომ თავისი მოქმედებით არ დაეზარალებინა თანაგუნდელები"
11:55 / 26-05-2015  Image "ნაციონალურ მოძრაობაში აღმოჩნდნენ ვირთხები" - რას ამბობდნენ ნაციონალებიდან წასულ კოლეგებზე ლიდერები, რომლებმაც პარტია თავადაც დატოვეს
ჯაფარიძემ "ერთადერთი საღი აზრის" მატარებელი პარტია დატოვა
11:44 / 26-05-2015  Image "თვით ირაკლი ღარიბაშვილი და მიხეილ სააკაშვილიც კი გაერთიანდნენ!" - ნინა სუბლატი "ევროვიზიის" შედეგებზე ვრცელ პოსტს აქვეყნებს
რაც შეეხება ნანთხევ ბოღმას, აღნიშნულ სიქაჯეს, შეურაცხყოფას, დემონოლოგიას...