ინდოეთში ორთავიანი ბავშვი გაჩნდა

ინდოეთის შტატ ჰარიანაში მცხოვრებმა 28 წლის ურმილა შარმამ სიამის ტყუპი გააჩინა.

ოჯახი იმდენად ღარიბი იყო, რომ ქალმა ფეხმძიმობისას ულტრაბგერითი გამოკვლევა ვერ ჩაიტარა და მშობიარობამდე მხოლოდ 2 კვირით ადრე გაიგო, რომ სიამის ტყუპს ელოდებოდა.

პატარა საკეისრო კვეთით გაჩნდა და 3 კილოს იწონის. მას 2 თავი, 2 კისერი, 2 ხერხემალი, მაგრამ ერთი ტანი აქვს. ახალშობილი გოგონა ექიმების ინტენსიური მეთვალყურეობის ქვეშაა - გინეკოლოგების თქმით, ჩვილის გადარჩენის შანსი მცირეა.

"მშობლები ამ ამბით განადგურებულები არიან. ოჯახის გადასარჩენად ყველაფერს გავაკეთებთ. პაციენტი ღარიბი ოჯახიდანაა და ის, რომ სიამის ტყუპზე იყო ფეხმძიმედ, მხოლოდ 2 კვირის წინ გავიგეთ - უკვე დაგვიანებული იყო, ვერაფერს გავაკეთებდით. ჩვილის გამოჯანმრთელებისთვის ჩვენი გუნდი ყველაფერს აკეთებს", - ამბობს ექიმი შიკა მელიკი.

მომზადებულია dailymail.co.uk-ის მიხედვით.