ვიტალი კლიჩკო კიევის მერის არჩევნებში იყრის კენჭს

ვიტალი კლიჩკო კიევის მერობისთვის იბრძოლებს, რომლის კანდიდატურაც პარტია "უდარმა" წამოაყენა. ამის შესახებ "ლიგა.ნეტ"-ი იუწყება. მერის არჩევნები 25 მაისს საპრეზიდენტო არჩევნებთან ერთად გაიმართება.

კლიჩკო მთავარ პრიორიტეტად კორუფციასთან ბრძოლასა და კიევის ბიუჯეტში ინვესტიციების მოზიდვას ასახელებს.

ვიტალი კლიჩკო კიევის მერის თანამდებობაზე კენჭისყრას უკვე მესამედ აპირებს. მანამდე ის 2006 და 2008 წლის არჩევნებში დამარცხდა.