პოროშენკომ ევროკავშირს მოუწოდა, თავდაჯერებულად იმოქმედოს
უკრაინის პრეზიდენტმა პეტრო პოროშენკომ შვედეთის საგარეო საქმეთა მინისტრ კარლ ბილდტთან გუშინდელ შეხვედრაზე ევროკავშირს მოუწოდა, გაცილებით თავდაჯერებულად იმოქმედოს იმის გათვალისწინებით, რომ ევროსაბჭოს გადაწყვეტილება მშვიდობიანი გეგმის შესახებ არ შესრულდა. ამის შესახებ "უნიანი" იუწყება.
პრეზიდენტის პრესსამსახურის ინფორმაციით, შვედეთის საგარეო უწყების ხელმძღვანელი უკრაინის პრეზიდენტის გადაწყვეტილებას, დონბასში ცეცხლის შეწყვეტის რეჟიმის გაუქმებაზე, გაგებით მოეკიდა.
მათივე ცნობით, ბილდტმა მხარი დაუჭირა პეტრო პოროშენკოს მზადყოფნას, დაუბრუნდეს ძალის გამოუყენებლობის რეჟიმს, კერძოდ, ცეცხლის ორმხრივად შეწყვეტას და რუსეთ-უკრაინის საზღვარზე ეუთოს მონიტორინგის კონტროლის დამყარებას, ყველა მძევლის გათავისუფლებას და მოლაპარაკების დაწყებას პრეზიდენტის სამშვიდობო გეგმასთან დაკავშირებით.
9 წლის გოგონებს ერთი საათით "ათხოვებენ" - ჟურნალისტებმა ერაყში შემზარავი მასალა გადაიღეს
მოსკოვში ხანძარს 4 ბავშვი ემსხვერპლა - "უყურადღებოდ იყვნენ დარჩენილი, რადგან დედა ან მეზობელთან იყო გასული, ან ნასვამს ეძინა"
