პრორუს ტერორისტებს, აღმოსავლეთ უკრაინაში ამ დროისთვის, 400-მდე მძევალი ჰყავთ აყვანილი, რომელთა მდგომარეობის შესახებ არაფერია ცნობილი. "უკრინფორმის" ინფორმაციით, ამის შესახებ დღევანდელ ბრიფინგზე უკრაინის ეროვნული უსაფრთხოების საბჭოს საინფორმაციო-ანალიტიკური ცენტრის ხელმძღვანელმა ანდრეი ლისენკომ განაცხადა.
"მძევლებს შორის 3 ჟურნალისტია, 6 პოლიტიკური მოღვაწე, ადვოკატი, მოსამართლე და 321 მშვიდობიანი მოქალაქე. მთლიანობაში, საომარი მოქმედებების პერიოდში ტერორისტებმა 842 მძევალი აიყვანეს, რომელთაგან დღეისთვის 446 თავისუფალია", – განაცხადა ლისენკომ.
მისივე თქმით, უკრაინელი სამხედროების შეტევების შედეგად, "ბოევიკებს" შორის პანიკური განწყობა მატულობს. "ამას მოწმობს ის გარემოება, რომ "ბოევიკების" რიგებს ზოგიერთი მეთაური ტოვებს", – განაცხადა ლისენკომ.