10 მშვიდობიანი მოსახლე დაიღუპა და 9 დაიჭრა დონეცკში, "ბოევიკების" მიერ სკოლისა და სამარშრუტო ტაქსისთვის ცეცხლის გახსნის შედეგად. ინფორმაციას ამის შესახებ უკრაინული მედია ავრცელებს.
დონეცკის მერიის პრესსამსახურის ცნობით, ყუმბარა სკოლის შენობიდან 5 მეტრის მოშორებით აფეთქდა. აფეთქების მომენტში სკოლაში 238 ადამიანი იმყოფებოდა, მათ შორის ბავშვები. უკრაინული მედიის ცნობით, დაშავებულთა შორის ბავშვები არ არიან. სკოლასთან მომხდარი აფეთქებიდან ცოტა ხანში, დონეცკის თვითგამოცხადებული რესპუბლიკის "ბოევიკებმა" სამარშრუტო ტაქსი ააფეთქეს.