უცნობმა პირმა კანადაში საპატიო ყარაულს ესროლა და პარლამენტში შეიჭრა

კანადის პარლამენტში ინციდენტი მოხდა. "ბი-ბი-სის" ინფორმაციით, უცნობმა პირმა გუშინ დედაქალაქ ოტავაში პარლამენტის შენობასთან ცეცხლი გახსნა, შემდეგ კი შენობაში შეიჭრა და 30-მდე გასროლა განახორციელა.

პოლიციამ აღნიშნული პირის ლიკვიდაცია განახორციელა. თვითმხილველთა განცხადებით, მამაკაცმა თავდაპირველად ცეცხლი იმ სამხედროებს გაუხსნა, რომლებიც პარლამენტთან ახლოს სამხედრო მემორიალთან საპატიო ყარაულში იდგნენ, რის გამოც ერთი სამხედრო მოსამსახურე დაიჭირა. ქვეყნის პრემიერს სტივენ ჰარპერს პარლამენტის შენობა დაატოვებინეს და უსაფრთხო ადგილზე გადაიყვანეს.