სირიაში, "ისლამური სახელმწიფოს" წინააღმდეგ საერთაშორისო კოალიციის მიერ განხორციელებულ ავიაშეტევებს ერთი თვის განმავლობაში 553 ადამიანი ემსხვერპლა , მათ შორის 32 მშვიდობიანი მოსახლე. ინფორმაციას ამის შესახებ "როიტერი" ავრცელებს. სირიის ადამიანის უფლებადამცველი ობსერვატორიის ინფორმაციით, გარდაცვლილთა უმრავლესობა - 464 ადამიანი "ისლამური სახელმწიფოს" მებრძოლია. ორგანიზაციის ცნობით, დაღუპულ მშვიდობიან მოსახლეობას შორის ექვსი ბავშვი და ხუთი ქალია. აშშ-ის წინამძღოლობით საერთაშორისო კოალიცია "ისლამური სახელმწიფოს" წინააღმდეგ ავიაშეტევებს სირიის რამდენიმე პროვინციაში ახორციელებს.