პუტინის პრესმდივნის პირველი კომენტარი პრეზიდენტის ავადმყოფობის შესახებ - "მას 84 წლის გერმანელი ექიმი მკურნალობს"

რუსეთის პრეზიდენტის პრესმდივანი დიმიტრი პესკოვი უარყოფს ზოგიერთი მედიასაშუალების მიერ გავრცელებულ ინფორმაციას ვლადიმერ პუტინის ავადმყოფობის შესახებ. "ბი-ბი-სი"-ს ინფორმაციით, გამოცემა "New York Post"-მა გასულ კვირას წყაროზე დაყრდნობით გაავრცელა ინფორმაცია, რომლის თანახმადაც, ვლლადიმერ პუტინი ავადაა, რომელსაც კუჭქვეშა ჯირკვლის კიბო აქვს. "ვერ ეღირსებიან. მუწუკი მათ ენებს. ყველაფერი ნორმალურადაა", - განაცხადა პესკოვმა.

"New York Post"-ის სტატიაში აღნიშნულია, რომ პუტინს 84 წლის გერმანელი ექიმი მკურნალობს, რომელსაც რუსეთის პრეზიდენტი სახელმწიფო უშიშროების კომიტეტში მუშაობის დროიდან იცნობს.