მექსიკაში ბავშვთა საავადმყოფოსთან აფეთქებას 7 ადამიანი ემსხვერპლა

მექსიკაში, ბავშვთა საავადმყოფოსთან მომხდარი აფეთქების შედეგად შვიდი ადამიანი დაიღუპა. ამის შესახებ "სი-ენ-ენ"-ი იუწყება. დაღუპულთა შორის ოთხი ბავშვია. სამართალდამცველთა ინფორმაციით, ნანგრევებში შეიძლება კიდევ იყვნენ დარჩენილები. მათივე ინფორმაციით, საავადმყოფოსთან ავტოცისტერნა აფეთქდა, რომელიც აირით იყო დატვირთული. მომხდარის შედეგად, გავრცელებული ინფორმაციით, დაშავებულია 54 ადამიანი, მათ შორის 22 ბავშვია. ადგილობრივი ხელისუფლების ცნობით, საავადმყოფოს შენობა ნაწილობრივ დანგრეულია.

"ინტერპრესნიუსი"