ევროკავშირის საგარეო საქმეთა მინისტრთა საბჭომ მიიღო გადაწყვეტილება რუსეთის მოქალაქეების წინააღმდეგ ინდივიდუალური სანქციების მოქმედების ვადა 2015 წლის სექტემბრამდე გაგრძელდეს. ამის შესახებ რუსული სააგენტოები წყაროებზე დაყრდნობით იუწყებიან. "არსებული ზომები გაგრძელდება. ეს პოლიტიკური გადაწყვეტილებაა - გაგრძელდეს სანქციები სექტემბრამდე", - განუცხადა "რია ნოვოსტის" საკუთარმა წყარომ. გარდა ამისა, საგარეო საქმეთა მინისტრების გადაწყვეტილებით, უნდა მომზადდეს სანქციების სია უკრაინის გამო, რათა მინისტრებმა მიიღონ გადაწყვეტილება მომავალ შეხვედრაზე, რომელიც 9 თებერვალს გაიმართება.
"ინტერპრესნიუსი"სიახლე!
თუ დაინტერესებული ხართ მხოლოდ პოლიტიკური თემებით და არ გსურთ, მიიღოთ სხვა, თქვენთვის უინტერესო ინფორმაცია, მოიწონეთ გვერდი, რომელზეც მხოლოდ უმნიშვნელოვანესი პოლიტიკური სიახეები თავსდება.