კაიროს აეროპორტში ბომბები აღმოაჩინეს
კაიროს საერთაშორისო აეროპორტში უსაფრთხოების ზომები გაამკაცრეს. აღნიშნული გადაწყვეტილება მას შემდეგ მიიღეს, რაც პოლიციამ სხვადასხვა ტერმინალში ორი ბომბი აღმოაჩინა. ამის შესახებ "როიტერსი" იტყობინება.
შესაბამისმა სამსახურმა ასაფეთქებელი მოწყობილობის გაუვნებელყოფა მალევე შეძლო. ჯერჯერობით არავინ დაუკავებიათ. ამ დროისთვის აეროპორტის უსაფრთხოების სამსახური ვიდეოკამერების ჩანაწერებს ამოწმებს. პარალელურად ვრცელდება ინფორმაცია, რომ ეგვიპტის დედაქალაქის ცენტრში ხელნაკეთი ბომბი გააქტიურდა. ინციდენტი ერთ-ერთ სკვერთან მოხდა. თუ ვინ იყო თავდასხმის ობიექტი უცნობია. აფეთქების შედეგად არავინ დაშავებულა.
მას შემდეგ, რაც 2013 წელს, ეგვიპტეში ისლამისტი პრეზიდენტი, მუჰამედ მურსი გადააყენეს, ისლამისტი მებრძოლები თავდასხმებს ხშირად აწყობენ. ისინი მოქმედი მთავრობის გადადგომას ითხოვენ. ბოლო თავდასხმა სინაის ნახევარკუნძულზე გასულ კვირას მოხდა, რა დროსაც 30-ზე მეტი ადამიანი დაიღუპა.
9 წლის გოგონებს ერთი საათით "ათხოვებენ" - ჟურნალისტებმა ერაყში შემზარავი მასალა გადაიღეს
მოსკოვში ხანძარს 4 ბავშვი ემსხვერპლა - "უყურადღებოდ იყვნენ დარჩენილი, რადგან დედა ან მეზობელთან იყო გასული, ან ნასვამს ეძინა"
