გერმანიის ქალაქ ბრემენის პოლიციამ რადიკალი ისლამისტების მუქარის გამო, უსაფრთხოების ზომები გაამკაცრა. "დოიჩე ველეს" ინფორმაციით, პარლამენტის, რატუშას და ცენტრალური ტაძრის ირგვლივ პოლიციის ავტობუსებია განთავსებული. პოლიციელთა ნაწილი ავტომატური იარაღებით არის აღჭურვილი. დღევანდელი ოპერაციის შედეგად მხოლოდ ერთი ადამიანია დაკავებული. თუმცა, გაურკვეველია, არის თუ არა ეს დაკავება დაკავშირებული მოსალოდნელ ტერაქტებთან. პოლიცია ჯერ არაფერს ადასტურებს.
გამოცემის ინფორმაციით, ბრემენში ბევრი რადიკალი ისლამისტი იყრის თავს. სამართალდამცავების განცხადებით, ამ დროისთვის მათი დაკვირვების ქვეშ 360 სალაფიტია (რადიკალური ისლამისტური მიმდინარეობა).
ბრემენში მოსალოდნელი ტერაქტების შესახებ ინფორმაცია უშიშროების ფედერალურმა სამსახურმა გაავრცელა.