ნემცოვის მკვლელმა დანაშაულში სხვა ბრალდებულების მონაწილეობა დაადასტურა - დადაევის აღიარებითი ჩვენება

რუსი ოპოზიციონერის, ბორის ნემცოვის მკვლელობაში ბრალდებულმა, ზაურ დადაევმა აღიარებითი ჩვენება მისცა. ამის შესახებ რუსეთის საგამოძიებო კომიტეტი იტყობინება.

გამოძიების ცნობით, დაადაევმა სხვა ბრალდებულების დანაშაულში მონაწილეობაც აღიარა. დადაევის ჩვენებას დაეთანხმა კიდევ ერთი ბრალდებული ხამზატ ბაჰაევი. რამდენიმე კვირის წინ დადაევმა უფლებადამცველებთან შეხვედრის დროს განაცხადა, რომ ის უდანაშაულო იყო და დანაშუალი იძულებით აღიარებინეს. უფლებადამცველები შიშობენ, რომ მასზე ციხეში ფიზიკურ ზეწოლას ახორციელებენ.

რუსი ოპოზიციონერი 27 თებერვალს კრემლთან ახლოს ხიდზე მოკლეს. მას თან მეგობარი გოგონა, უკრაინელი მოდელი ანნა დურიცკაია ახლდა. პოლიციამ მკვლელობაში ეჭვმიტანილი ხუთი პირი უკვე დააკავა.

"ინტერპრესნიუსი"