ბოლო სამი დღის განმავლობაში ინდოეთის სამხრეთში სიცხის შედეგად 335 ადამიანი დაიღუპა. "The times of India"-ს ინფორმაციით, დაღუპულთა შორის უმეტესობა მუშები არიან.
გამოცემის ცნობით, ქალაქ ქხამამში ჰაერის ტემპერატურამ +48 გრადუსი შეადგინა, რაც რეგიონისთვის რეკორდული მაჩვენებელია. +47 გრადუსი ამ რეგიონში ბოლოს 1947 წელს დაფიქსირდა.
ადგილობრივი მეტეოროლოგების ინფორმაციით, ტემპერატურის კიდევ უფრო მომატებაა მოსალოდნელი. სამხრეთ ინდოეთის სხვა შტატებში კი სიცხისგან გარდაცვლილთა რაოდენობამ 150 ადამიანს გადააჭარბა.