ინდოეთში ძლიერი სიცხის შედეგად დაღუპულთა რიცხვმა 1400-ს მიაღწია. "ბიბისის" ცნობით, ქვეყნის ზოგიერთ რეგიონში ტემპერატურა სტაბილურად 47 გრადუსია. ქვეყნის იმ რეგიონებში, სადაც ძლიერ სიცხეს ებრძვიან, სამედიცინო პერსონალი იძულებული გახდა, შვებულებები შეეწყვიტა და სამუშაოს დაბრუნებოდა, ვინაიდან საავადმყოფოებში მიმართვიანობა გაიზარდა. განსაკუთრებით მძიმე ვითარება ტელენგანისა და ანდჰრა-პრადეშის შტატებშია. ასევე მსხვერპლია დასავლეთ ბენგალისა და ორისას შტატებშიც.
ინდოეთში მაისის და ივნისის თვეები ყოველთვის ცხელია, რა დროსაც ტემპერატურა 40 გრადუსს სცდება ხოლმე, თუმცა, ინდოეთის ჯანდაცვის მინისტრის განცხადებით, წელს, ძლიერი სიცხის შედეგად დაღუპულთა რიცხვმა ბოლო რამდენიმე წლის მონაცემებს გადააჭარბა.