ევროკავშირის ფინანსთა მინისტრები საბერძნეთის საკითხის განსახილველად შეიკრიბებიან

ევროკავშირის წევრი ქვეყნების ფინანსთა მინისტრები საბერძნეთის საკითხის განსახილველად 6 ივნისს შეიკრიბებიან. ასევე, ვრცელდება ინფორმაცია, რომ საბერძნეთის რეფერენდუმის შესახებ საფრანგეთის პრეზიდენტი ფრანსუა ოლანდი და გერმანიის კანცლერი ანგელა მერკელი ორშაბათს პარიზში იმსჯელებენ.

საბერძნეთში გამართული რეფერენდუმის პირველადი ოფიციალური მონაცემებით, რომელიც 541 ათასი ბიულეტენის დათვლის საფუძველზე გამოქვეყნდა, 59,7 %-მა საბერძნეთის კრედიტორებს მოთხოვნაზე უარი განუცხადა, 40,3 % კი თანახმაა, რომ საბერძნეთმა საერთაშორთაშორისო კრედიტორების მოთხოვნები შეასრულოს. ვარაუდობენ, რომ ბიულეტენების სრულად დათვლის შემდეგ მონაცემები შეიცვლება.

პირველადი ცნობით, დღევანდელ რეფერენდუმში მონაწილეობა ამომრჩეველთა დაახლოებით 50 %-მა მიიღო.