ხორვატიის ტყეში გაჩენილი ხანძრის გამო ხალხის ევაკუაცია განხორციელდა

ხორვატიის სამხრეთ რეგიონში ათობით ადამიანის ევაკუაცია განხორციელდა. "როიტერის" ცნობით, ამის მიზეზი პელეშაცის ნახევარკუნძულზე ტყეში გაჩენილი ძლიერი ხანძარია, რომელიც დასახლებულ პუნქტებსაც საფრთხეს უქმნის.

აღნიშნული რეგიონი ვენახებითაა ცნობილი. ადგილობრივების თქმით, ხანძარი ორი კილომეტრის სიგრძეზეა გავრცელებული. ხორვატიაში ბოლო ერთი კვირაა უჩვეულოდ მაღალი ტემპერატურაა, რაც 40 გრადუსს აჭარბებს. ხორვატიული მედიის ცნობით, ტყეში გაჩენილი ხანძრის მიზეზი სწორედ ძლიერი სიცხეა.

"ინტერპრესნიუსი"