"ისლამურმა სახელმწიფომ" 120 ადამიანი სიკვდილით დასაჯა

ერაყის ქალაქ მოსულში "ისლამური სახელმწიფოს" "ბოევიკებმა" 120 ადამიანი სიკვდილით დასაჯეს და 350 ტყვედ აიყვანეს. ამის შესახებ უცხოური მედია ადგილობრივი ხელისუფლების წარმომადგენლებზე დაყრდნობით იუწყება.

სიკვდილით დასჯა თავში ცეცხლსასროლი იარაღიდან გასროლით განხორციელდა. ზოგიერთი ადამიანი სიკვდილით რამდენიმეთვიანი ტყვეობის შემდეგ დასაჯეს. სიკვდილით დასჯილთა შორის უმეტესობა პოლიციის ოფიცერი, სამხედრო მაღალჩინოსანი, საარჩევნო კომისიის წარმომადგენლები და დეპუტატობის კანდიდატები არიან.

"ინტერპრესნიუსი"