ჟერარ დეპარდიეს უკრაინაში შესვლა აეკრძალა

ჟერარ დეპარდიეს უკრაინაში შესვლა აეკრძალა

უკრაინამ ფრანგ მსახიობს, ჟერარ დეპარდიეს ქვეყანაში შესვლა ხუთი წლით აუკრძალა. ამის შესახებ უკრაინული მედია იტყობინება. უკრაინის უსაფრთხოების სამსახურის პრესსპიკერის, ელენა ჰიტლიანსკას განცხადებით, აღნიშნული გადაწყვეტილება კულტურის სამინისტროს მოთხოვნის საფუძველზე მიიღეს.

უკრაინის კულტურის სამინისტრომ არაერთ მსახიობს, მუსიკოსსა და კულტურის სფეროს წარმომადგენელს აუკრძალა ქვეყანაში შესვლა, რომლებმაც 2014 წელს, რუსეთის მიერ ყირიმის ანექსიას მხარი დაუჭირეს.

66 წლის ჟერარ დეპარდიე რუსეთს აქტიურად უჭერს მხარს და "უდიდეს დემოკრატიულ ქვეყანას" უწოდებს. 2013 წელს მან პრეზიდენტ ვლადიმერ პუტინისგან რუსული პასპორტიც მიიღო მას შემდეგ, რაც მსახიობმა საფრანგეთი მაღალი გადასახადების გამო დატოვა. გასულ კვირას კი, დეპარდიეს ბელორუსის პრეზიდენტმა, ალექსანდრ ლუკაშენკომ საკუთარ რეზიდენციაში უმასპინძლა.

"ინტერპრესნიუსი"

"დონალდ ტრამპის მიმართ არასათანადო სასჯელი იქნა გამოიყენებული" - რა წერია "ფეისბუქის" სამეთვალყურეო საბჭოს დასკვნაში?

უიშვიათესი შემთხვევა - მალელმა ქალმა 9 ბავშვი გააჩინა

სახალისო ინციდენტი: ბელგიელმა ფერმერმა, ტრაქტორის გასავლელად, ბელგია - საფრანგეთის საზღვარი შეცვალა - "ვფიქრობ, ომს თავიდან ავიცილებთ“