2022 წლის ზამთრის ოლიმპიადას პეკინი უმასპინძლებს

2022 წლის ზამთრის ოლიმპიადას და პარაოლიმპიურ თამაშებს პეკინი უმასპინძლებს. ამის შესახებ "ბიბისი" იტყობინება. პეკინმა ოლიმპიადის გამართვის ადგილის შერჩევისას ყახაზეთის ქალაქი ალმათი დაამარცხა.

ჩინეთის დედაქალაქი 2008 წელს ზაფხულის ოლიმპიური თამაშების მასპინძელიც იყო, თუმცა ამთრის ოლიმპიადა ამ ქვეყანაში პირველად გაიმართება.

თამაშების ნაწილი პეკინში, ნაწილი კი მასთან ახლოს მდებარე ქალაქ ჩჟანცზიაკოუში გაიმართება, თუმცა სპეციალისტები ამბობენ, რომ ოლიმპიადის ადგილას მთებში საკმარისი თოვლი არ იქნება. 2018 წელს ზამთრის ოლიმპიურ თამაშებს სამხრეთ კორეა უმასპინძლებს, წინა ოლიმპიადა კი რუსეთის ქალაქ სოჭში, 2014 წელს გაიმართა.

"ინტერპრესნიუსი"