შეტაკებები კიევში: დაშავებულთა რიცხვი ასამდე გაიზარდა, არის მსხვერპლიც
კიევში უმაღლეს რადასთან მომხდარი შეტაკების შედეგად ერთი სამართალდაცველი დაიღუპა. დაშავებული ადამიანების რიცხვი კი ასამდე გაიზარდა. ამის შესახებ "ლიგა ნეტი" ქვეყნის შინაგან საქმეთა სამინისტროზე დაყრდნობით იტყობინება.
გავრცელებული ცნობით, ათი ადამიანის მდგომარეობა კრიტიკულია. დაშავებულთა უმრავლესობა სამართალდამცველი და ეროვნული გვარდიის წევრია. ისინი სასწრაფო დახმარების მანქანებით საავადმყოფოებში გადაჰყავთ, ზოგიერთის დახმარებას კი ადგილზევე ცდილობენ. პარალელურად, კიევის უსაფრთხოების სამსახურის წარმომადგენლები აცხადებენ, რომ უკვე დაკავებულია დამნაშავე, რომელმაც სამართალდამცველების მიმართულებით ყუმბარა ისროლა.
პოლიციასა და დემონსტრანტებს შორის შეტაკება რამდენიმე საათის წინ დაიწყო, აქტივისტებმა უმაღლესი რადას შტურმით აღება სცადეს, თუმცა, მათი შეჩერება პოლიციამ შეძლო. დაახლოებით 3 000 დემონსტრანტი რადას მიერ დეცენტრალიზაციის შესახებ მიღებულ საკონსტიტუციო ცვლილებას აპროტესტებს.
9 წლის გოგონებს ერთი საათით "ათხოვებენ" - ჟურნალისტებმა ერაყში შემზარავი მასალა გადაიღეს
მოსკოვში ხანძარს 4 ბავშვი ემსხვერპლა - "უყურადღებოდ იყვნენ დარჩენილი, რადგან დედა ან მეზობელთან იყო გასული, ან ნასვამს ეძინა"
