ისრაელმა ღაზას სექტორის ტერიტორია დაბომბა. როგორც "ბიბისი" იტყობინება, ისრაელის ავიაციამ ავიაიერიში მას შემდეგ მიიტანა, რაც ღაზას სექტორში მოქმედმა მებრძოლებმა ებრაულ ქალაქ აშდოდის მიმართულებით რაკეტა გაუშვეს.
"ბიბისის" ცნობით, ისრაელის სამხედრო-საჰაერო ძალებმა ღაზას სექტორში, მოძრაობა "ჰამასის" კუთვნილი ოთხი ობიექტი დაბომბეს. ინფორმაცია დაშავებულთა შესახებ ჯერ არ ვრცელდება. ქალაქ აშდოდზე სარაკეტო დარტყმისთვის პასუხისმგებლობა ტერორისტულ დაჯგუფება "ისლამური სახელმწიფოსთან" კავშირში მყოფმა მებრძოლებმა აიღეს.