ოკუპირებულ აფხაზეთში გალის ე.წ. საბაჟოს სამმართველოს უფროსი მოკლეს. როგორც "რია ნოვოსტი" ოკუპირებული აფხაზეთის ე.წ. გენერალურ პროკურატურაზე დაყრდნობით იტყობინება, ბესლან მალანძიას ცხედარი პარასკევს იპოვეს.
ე.წ. გენერალური პროკურატურის ცნობით, მალანძიას გულ-მკერდის არეში ჭრილობა ცეცხლსასროლი იარაღით მიაყენეს. მისი ცხედარი სოფელ ტამიშში, სახლის სიახლოვეს, სასაფლაოს ტერიტორიაზე იპოვეს.
მომხდართან დაკავშირებით, ოჩამჩირის რაიონის ე.წ. პროკურატურამ სისხლის სამართლის საქმე აღძრა. ადგილზე მუშაობენ ექსპერტ-კრიმინალისტები.