ძლიერი მიწისძვრის შედეგად ავღანეთში, პაკისტანსა და ინდოეთში 300-მდე ადამიანი დაიღუპა

ბოლო მონაცემებით, ავღანეთში, პაკისტანსა და ინდოეთში მიწისძვრის შედეგად დაღუპულთა რაოდენობა 300-მდე გაიზარდა. ვრცელდება ინფორმაცია ასობით დაშავებულზე.

სტიქიით დაზარალებულ რეგიონებში სამაშველო და სამძებრო სამუშაოები ამ დრომდე გრძელდება. 7,5 მაგნიტუდის სიმძლავრის მიწისძვრა გუშინ, ავღანეთის ჩრდილოეთში მოხდა. მიწისქვეშა ბიძგების ეპიცენტრი ჰინდუქუშის მთიან რეგიონში, 212 კილომეტრის სიღრმეზე მდებარეობდა. მიწისძვრა იმდენად ძლიერი იყო, რომ ბიძგები რუსეთში, კერძოდ, ნოვოსიბირსკშიც კი იგრძნობოდა.

"ინტერპრესნიუსი"