თურქეთის პრემიერ-მინისტრმა აჰმეთ დავუთოღლუმ საგარეო საქმეთა მინისტრს დაავალა, საზღვარზე მომხდარი მოვლენების შესახებ კონსულტაციები ნატო-სა და გაეროსთან გამართოს. ცოტა ხნის წინ ცნობილი გახდა, რომ თურქეთის საჰაერო სივრცე სირიის მხრიდან სამხედრო თვითმფრინავმა დაარღვია. რამდენიმე გაფრთხილების მიუხედავად, თვითმფრინავმა ფრენა გააგრძელა, რის შემდეგაც ის თურქულმა გამანადგურებლებმა ჩამოაგდეს.
გამოცემა "ინდიფენდენტი" თურქულ მედიაზე დაყრდნობით წერს, რომ თვითმფრინავი რუსული წარმოების იყო. მედიაში გავრცელდა ვიდეომასალაც, სადაც ჩანს, რომ ორმა მფრინავმა კატაპულტირება მოახდინა.
თურქულ მხარეს, საზღვარზე მომხდართან დაკავშირებით ოფიციალური განცხადება ჯერჯერობით არ გაუკეთებია.