ინტერნეტსივრცეში რუსული სამხედრო თვითმფრინავის "სუ-24"-ის ჩამოვარდნის შედეგად დაღუპული მფრინავის ვიდეოკადრები გავრცელდა. "ბიბისი" წერს, რომ რუსი მფრინავი კატაპულტირებისას დაიღუპა. ვიდეოკადრებში სამხედრო ფორმაში ჩაცმული აჯანყებულებიც ჩანან. რუსული "სუ-24" სირიის პროვინცია ლატაკიაში, იმ ტერიტორიაზე ჩამოვარდა, რომელსაც აჯანყებულთა დაჯგუფებები აკონტროლებენ.
[იხილეთ ვიდეო]
თურქულმა გამანადგურებლებმა რუსული თვითმფრინავი მას შემდეგ ჩამოაგდეს, რაც ის სირიის მხრიდან თურქეთის საჰაერო სივრცეში შეიჭრა და გაფრთხილების მიუხედავად, ფრენა გააგრძელა. კრემლში განაცხადეს, რომ მომხდარი - "ძალიან სერიოზული ინციდენტია", თუმცა დასკვნების გაკეთება ნაადრევია.
თურქულმა წყარომ მომხდარზე საუბრისას სააგენტო "როიტერთან" განაცხადა, რომ სამხედროები "თურქეთის სუვერენიტეტს იცავდნენ".