პარიზში, რესპუბლიკის მოედანზე ასობით დემონსტრანტია შეკრებილი. ისინი საფრანგეთის ეკოლოგიურ პოლიტიკას აპროტესტებენ. როგორც "ინტერპრესნიუსს" თვითმხილველმა აცნობა, მიტინგი არასანქცირებულია, რის გამოც მობილიზებულია დიდი რაოდენობით პოლიცია და სპეცრაზმი. აქციის მონაწილეები პოლიციას ფეხსაცმელებს, ქვებს და ბოთლებს ესვრიან. პოლიცია მათ წინააღმდეგ ცრემლსადენ გაზს იყენებს.